Уулзалтад Хөдөлмөр, нийгмийн хамгааллын яамны Нийгмийн даатгалын бодлогын хэрэгжилтийг зохицуулах газар, Шүүхийн  Сахилгын хорооны ажлын алба, Шүүхийн сургалт, судалгаа, мэдээллийн хүрээлэнгийн төлөөлөл, Нийгмийн даатгалын ерөнхий газар, Нийслэл, дүүргийн нийгмийн даатгалын газар, хэлтсийн хяналт шалгалтын байцаагч, мэргэжилтнүүд оролцлоо.

Тус уулзалтаар Нийгмийн даатгалын тухай хууль тогтоомжийн хэрэгжилтийг шалгах явцад иргэний ажилласан байдлыг тогтоосон шүүхийн зарим шийдвэрүүдийн талаар Нийгмийн даатгалын ерөнхий газрын Хяналт шалгалтын газрын дарга Д.Ганзориг болон холбогдох дүүргийн Нийгмийн даатгалын хэлтсийн байцаагч, мэргэжилтнүүд мэдээлэл өгч, Шүүхийн сургалт, судалгаа, мэдээллийн хүрээлэнгээс иргэний ажилласан байдлыг шүүхээс тогтоохтой холбоотой сургалт, контентийг хамтран хийх, Шүүхийн Сахилгын хороо гомдол, мэдээллийн дагуу судлан, шийдвэрлэх боломжтой талаар ярилцаж, цаашид бүх талаар хамтран ажиллахад бэлэн байгаагаа илэрхийлэв.

НИЙГМИЙН ДААТГАЛЫН ЕРӨНХИЙ ГАЗАР