Энэхүү наадам дөрвөн жилд нэг удаа зохион байгуулагддагаараа онцлогтой бөгөөд энэ жил спортын нийт 13 төрлөөр зохиогдож байгаа ба үндсэн найман төрлөөс гадна шинээр үзүүлэх тоглолтод морьт сурын харваа, морин дээрх барилдаан, морин өртөө уралдаан, жороо морины уралдаанууд нэмэгдсэн юм. Өнөөдрийн байдлаар сур харваа, шагайн харваа, жороо морь, үндэсний бөх, морьт харвааны төрөлд баг тамирчид өрсөлдөж байгаа ба тэмцээнд 21 аймаг, 9 дүүргийн нийт 1700 орчим тамирчид оролцож байна. Чингэлтэй дүүргийн баг тамирчид Монголын үндэсний спортын наадмуудаас хоёр алт, нэг мөнгө, хоёр хүрэл медалийг хүртээд байгаа бөгөөд энэ удаагийн наадмын шигшээ тэмцээнд спортын долоон төрлөөр 50 тамирчин оролцож байна.