Үндсэн хуулийн цэцийн дүгнэлттэй холбоотойгоор УИХ –ын гишүүн Ш.Адьшаа дараах байр суурийг илэрхийллээ. Тэрбээр “Иргэнийхээ хувьд судалгаа хийсний үндсэн дээр Үндсэн хуулийн цэцэд гомдол гаргасан. Дөрвөн гишүүн давхар дээлтэй байна гэдэг нь ҮНДСЭН ХУУЛЬ ЗӨРЧСӨН шийдвэр байсан. 2019 онд өөрчлөлт оруулахдаа Ерөнхий сайд нь танхимаа бүрдүүлэх нь өөрөө хууль зөрчсөн зүйл. УИХ-ын нь зөвхөн Ерөнхий сайдыг томилдог. Засгийн газрын тэргүүний эрхэд халдсан зүйл. Сүүлийн 30 жилийн хугацаанд Н.Багабанди, Ц.Элбэгдоржийн үед ч байсан гол асуудал ДАН БОЛОН ДАВХАР ДЭЭЛ байсан. Гол гацаа нь энэ юм. Намын даргад ИХ МӨНГӨ ТӨЛСӨН ХҮН САЙД БОЛДОГ тогтолцоог халах ёстой. ”