“Хотын соёл-Хариуцлагатай иргэн” аяныг нийслэлийн Чингэлтэй дүүргийн 15-19 дүгээр хороодод хуваарийн дагуу зохион байгуулж байгаа ба өчигдөр буюу 8 дугаар сарын 29-ний өдөр дүүргийн 19 дүгээр хороонд соёл урлагийн үйл ажиллагааг иргэдэд хүргэлээ. Үйл ажиллагаанд Нийслэлийн Соёл урлагийн газрын дарга О.Анхбаяр, дүүргийн Иргэдийн Төлөөлөгчдийн Хурлын Төлөөлөгч, 19 дүгээр хорооны Засаг дарга Л.Цэеэрэгзэн, Соёлын төвийн дарга А.Лхагвадорж нар оролцож, нийт 100 гаруй иргэд хамрагдлаа. Үйл ажиллагааны үеэр дүүргийн Соёлын төвийн дэргэдэх “Дөрвөн цаг хамтлаг” урлагийн тоглолтоо толилуулж, “Хотын соёл” сэдвээр нээлттэй хэлэлцүүлэг зохион байгуулж, гэмт хэргээс урьдчилан сэргийлэх чиглэлээр мэдээ мэдээллийг иргэдэд хүргэсэн юм.