Хүчилтөрөгчийн бэсрэг үйлдвэрүүд нь 1 цагт 20 м3 хүчилтөрөгч үйлдвэрлэх хүчин чадалтай бөгөөд бидний амьсгалж буй агаарыг шүүж, цэвэршүүлсэн 95-97хувийн цэвэршилттэй, эмнэлгийн зориулалттай хүчилтөрөгчийг үйлдвэрлэдэг дэвшилтэд технологи дээр суурилсан юм.

20м3/цаг Хүчин чадалтай хүчилтөрөгчийн бэсрэг үйлдвэрийн өртөг дунджаар 590,0 сая төгрөг бөгөөд нэг аймгийн 2-3 жилд хүчилтөрөгч худалдан авдаг байсан төсөвтэй тэнцэх зардлаар байгуулагдсан. Эхний 2 жилд ханган нийлүүлсэн байгууллагын баталгаат хугацаатай бөгөөд цаашдын засвар үйлчилгээ, хугацаатай солигддог сэлбэг хэрэгслийн тухайн эрүүл мэндийн байгууллага хариуцан ажиллах юм.

ХҮНИЙ НӨӨЦИЙН СУРГАЛТ

Эрүүл мэндийн яам, Эм, эмнэлгийн хэрэгслийн хяналт, зохицуулалтын газар, Нэгдсэн үндэстний байгууллагын Хүүхдийн сангийн дэмжлэгтэй Ассист интернэшнл олон улсын байгууллага, Хүчилтөрөгчийн эсрэг үйлдвэрүүд угсарч суурилуулсан ханган нийлүүлэх байгууллагууд болох “Нью Терравокс” болон “ХХК, Сүвэн-Уул”ХХК -тай хамтран 2022.05.23-2022.05.31 -ны өдрийн хооронд Хүчилтөрөгчийн хангамж, ашиглалт, аюулгүй ажиллагаа, засвар үйлчилгээний сургалтыг 21 аймгийн НЭ, БОЭТөв, ЭМЯам болон Нийслэлийн ЭМГазрын харьяа байгууллагын инженер техникийн ажилчдыг хамруулан давтан сургаад байна.