НҮБ-ын Шилжих Хөдөлгөөний Байгууллагын дэмжлэг, Швейцарын Хөгжлийн Агентлагийн санхүүжилтээр Баянхонгор аймгийн Нийгмийн түншлэлийн сүлжээ ТББ-ын хэрэгжүүлж буй “Зөв шийдэл-2 орон нутгийн шилжин суурьшигчдын хөдөлмөр эрхлэлтийг дэмжих төрийн болон төрийн бус байгууллагын хамтын ажиллагааг сайжруулах нь” төслийн хүрээнд аймгийн Улсын Бүртгэлийн Хэлтэстэй хамтран “Иргэний оршин суух бүртгэл цахимжлаа” мэдээллийн өдөрлөгийг 2022 оны 9дүгээр сарын 16-18-ны өдрүүдэд Баруун бүс худалдааны төв дээр зохион байгуулна.

Өдөрлөгт УБХ-ийн мэргэжилтэн оролцож иргэний шилжих хөдөлгөөний бүртгэл хийж, тоон гарын үсэг олгох, цахим бүртгэл хийх аргачлалын талаар мэдээлэл, зөвлөгөө өгөх тул шилжин суурьшигчид болон иргэн та иргэний үнэмлэхтэйгээ ирж үйлчлүүлнэ үү.

Шилжин суурьшигч болон иргэд та бүхнийг мэдээллийн өдөрлөгт өргөнөөр оролцохыг урьж байна.

УЛСЫН БҮРТГЭЛИЙН ХЭЛТЭС, НИЙГМИЙН ТҮНШЛЭЛИЙН СҮЛЖЭЭ ТББ