Дүүргийн Засаг даргын захирамжаар баталсан “Хаврын их цэвэрлэгээний аян”-ны хүрээнд бүх нийтийн их цэвэрлэгээ Бямба гарагийн өглөөний 10:00 цагаас дүүргийн хэмжээнд нэгэн зэрэг зохион байгуулагдлаа.

Хур хог хаягдал, тэмдэг тэмдэглэгээ, автобусны буудал зэрэгт хуурай цэвэрлэгээ, үүсмэл хог хаягдал, далан шуудуу, голын ай сав дагуух орчны бохирдлыг бууруулах их цэвэрлэгээнд дүүргийн Засаг даргын дэргэдэх 29 хэлтэс, албадын 656 албан хаагч, зам талбайн цэвэрлэгээ хариуцсан 13 байгууллагын 219 ажилтан, худалдаа үйлчилгээний 1,316 аж ахуйн нэгж байгууллага, 271 сууц өмчлөгчдийн холбоодын нийт 759 ажилтан, 1120 иргэн оролцож, 590,544мкв талбайгаас 60,3 тн хог хаягдлыг цэвэрлэлээ.

Мөн дүүргийн хог тээвэр хариуцсан дөрвөн байгууллага 11 рейсээр цэвэрлэгээнээс гарсан хог хаягдлыг дор бүр ачиж, төвлөрсөн цэгт хүргэх ажлыг шуурхай зохион байгуулан ажиллав.

Эко дүүргийнхээ Хаврын их цэвэрлэгээнд идэвхтэй оролцон эко орчинг бүрдүүлсэн Та бүхэнд баярлалаа. /2024.03.23/

Хоггүй Хан-Уул Эко дүүрэг -Эрүүл орчин