Онгоцонд төрсөн ихэр охидод Алтанжигүүр, Мөнгөнжигүүр хэмээн өгч 18 нас хүртэл МИАТ-ын онгоцоор ҮНЭГҮЙ ЗОРЧИХ эрх өгчээ Хүчит 512 бөхөөс хамгийн ахмад нь 64 настай Улсын начин Л.Цэвээн гуай байна Д.Нямхүү: Бид 200 дахь иргэнээ эдгээж гаргалаа. Та бүхэн бүхэн минь САЙХАН НААДААРАЙ... Бидний өвөг дээдсийн оюун ухааны бяд, баларшгүй соёл, давтагдашгүй өв дэлхий даяар оршсоор байна Үер ус, мөндөр, нөөлөг салхины аюулаас сэрэмжтэй байхыг анхааруулж байна НААДАМ: 104 хурдан азарганаас Төв аймгийн Баян сумын Б.Нямжавын ХЭЭР АЗАРГА түрүүллээ Б.Батцэцэгийг чөлөөлж Б.Мөнхжинг Гадаад харилцааны ДЭД САЙДААР томиллоо Монгол Улсын Засгийн газар 0,85 хувийн хүүтэй, 100 сая долларын ЗЭЭЛ авахаар боллоо Э.Бат-Амгалан: 21-р зуун гарчихаад байхад усгүй, тоггүй айлууд маш их байна С.Одонтуяа: Бүгдээрээ л дарга болох гэнэ, том өрөөнд суух гэнэ, зардалаа нэмүүлэх гэнэ. Ийм мөнгө байхгүй шүү!!!
С.Амарсайхан гишүүн болсон учраас Ж.Батбаясгалан ХОТЫГ УДИРДАХААР болжээ
З.Батхуяг
Мэдээ
/
1 долоо хоногн өмнө

Нийслэлийн Засаг дарга бөгөөд Улаанбаатар хотын захирагч С.Амарсайхан УИХ-ын гишүүн болж өчигдөр үнэмлэхээ авлаа. Хотын дараагийн даргыг сонгох хүртэл Нийслэлийн Засаг даргын Хөгжлийн бодлогын асуудал хариуцсан нэгдүгээр орлогч Ж.Батбаясгалан үүрэг гүйцэтгэгчээр ажиллах юм байна.

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд:

Нийслэлийн Засаг даргад тухайн Хурал дахь нам, эвслийн бүлэг, эсхүл Хурлын төлөөлөгч тус тус нэр дэвшүүлэх эрхтэй бөгөөд уг Хурлын хуралдаанд оролцсон иргэд, төлөөлөгчдийн олонхын буюу 50-аас дээш хувийн санал авсан нэр дэвшигчийг томилуулахаар томилох эрх бүхий албан тушаалтанд санал болгоно гэж заасан байдаг.

Энэ дагуу эх сурвалжаас тодруулахад маргааш буюу долдугаар сарын 1-нд НИТХ хуралдана гэсэн юм. Харин Хотын даргыг томилох асуудлыг хэлэлцэх эсэх нь тодорхойгүй байгааг өөр эх сурвалж хэлэв. НИТХ шийдвэрээ Ерөнхий сайдад уламжилснаар томилгоо хийгдэх учиртай. Аймаг, нийслэлийн Засаг даргыг Монгол Улсын Ерөнхий сайд дөрвөн жилийн хугацаагаар томилох бөгөөд нөхөн томилогдсон Засаг даргад энэ хугацаа хамаардаггүй.

Сануулахад Нийслэлийн Засаг дарга бөгөөд Улаанбаатар хотын захирагч Су.Батболд 2018 оны арванхоёрдугаар сарын 10-нд ажлаа хүлээлгэн өгсөнөөр С.Амарсайханыг 2019 оны хоёрдугаар сард шинэ даргаар томилж байсан юм.

Улаанбаатар хотын үе, үеийн 33 дарга:

  • 1924-1926 он М.Баяр Улаанбаатар хотын түр жинхэнэ захиргааны дарга
  • 1926-1927 он С.Батсүх Улаанбаатар хотын жинхэнэ захиргааны дарга
  • 1927-1929, 1930-1931, 1936-1939 онд Д.Гомбожав Улаанбаатар хотын жинхэнэ захиргааны дарга
  • 1929-1930 он Л.Мижиддорж Улаанбаатар хотын жинхэнэ захиргааны дарга
  • 1931-1932 он Б.Цэдэндамба Улаанбаатар аймгийн дарга
  • 1932.07.04-07.27 сар. Ө.Равдан Улаанбаатар аймгийн дарга
  • 1932-1933 он Д.Догсом Улаанбаатар аймгийн дарга
  • 1933-1936 он Д.Чимэддагва Улаанбаатар хотын захиргааны дарга
  • 1939.05.09-11.16 сар. Л.Тавхай Улаанбаатар хотын захирах яамны дарга
  • 1940-1941 он Ө.Мажиг Улаанбаатар хотын захиргааны дарга 
  • 1941.07.-08 сар. Г.Дамдин Улаанбаатар хотын захиргааны дарга 
  • 1941.09-11 сар. Г.Лувсанаваан Улаанбаатар хотын захиргааны дарга 
  • 1942-1944 он С.Шагдар Улаанбаатар хотын захиргааны дарга 
  • 1944-1956 он Г.Багаа Улаанбаатар хотын хөдөлмөрчдийн депутатын хурлын гүйцэтгэх захиргааны дарга
  • 1956 он Б.Лавзав Улаанбаатар хотын хөдөлмөрчдийн депутатын хурлын гүйцэтгэх захиргааны дарга
  • 1956-1959 он Б.Батжаргал Улаанбаатар хотын хөдөлмөрчдийн депутатын хурлын гүйцэтгэх захиргааны дарга
  • 1962-1965 он М.Лувсанчоймбол Улаанбаатар хотын АДХ-ын гүйцэтгэх захиргааны дарга
  • 1965-1971 он Д.Цэдэв Улаанбаатар хотын АДХ-ын гүйцэтгэх захиргааны дарга
  • 1971-1972 он С.Лувсангомбо Улаанбаатар хотын АДХ-ын гүйцэтгэх захиргааны дарга
  • 1972-1976 он С.Балбар Улаанбаатар хотын АДХ-ын гүйцэтгэх захиргааны дарга
  • 1976-1978 он О.Цэнд Улаанбаатар хотын АДХ-ын гүйцэтгэх захиргааны дарга
  • 1978-1990 он С.Мөнхжаргал Улаанбаатар хотын АДХ-ын гүйцэтгэх захиргааны дарга
  • 1990-1992 он Л.Энэбиш Улаанбаатар хотын АДХ-ын гүйцэтгэх захиргааны дарга
  • 1992-1996 он Ц.Баасанжав Нийслэлийн засаг дарга бөгөөд Улаанбаатар хотын захирагч
  • 1996-1998 он Ж.Наранцацралт Нийслэлийн засаг дарга бөгөөд Улаанбаатар хотын захирагч
  • 1999-2005 он М.Энхболд Нийслэлийн засаг дарга бөгөөд Улаанбаатар хотын захирагч
  • 2005-2007 он Ц.Батбаяр Нийслэлийн засаг дарга бөгөөд Улаанбаатар хотын захирагч
  • 2007-2008 он Т.Билэгт Нийслэлийн засаг дарга бөгөөд Улаанбаатар хотын захирагч
  • 2008-2012 он Г.Мөнхбаяр Нийслэлийн засаг дарга бөгөөд Улаанбаатар хотын захирагч
  • 2012-2016 он С.Бат-Үүл Нийслэлийн засаг дарга бөгөөд Улаанбаатар хотын захирагч
  • 2016-2018 он Су.Батболд Нийслэлийн засаг дарга бөгөөд Улаанбаатар хотын захирагч
  • 2018.12-2019.02 сар. Ж.Батбаясгалан Нийслэлийн засаг дарга бөгөөд Улаанбаатар хотын захирагчийн үүрэг гүйцэтгэгч
  • 2019-2020 он С.Амарсайхан Нийслэлийн засаг дарга бөгөөд Улаанбаатар хотын захирагчийн үүрэг гүйцэтгэгч.

Улаанбаатар хотын уугуул буюу хотыг сайн мэддэг хүн нийслэлийн Засаг даргаар ажиллах нь үр дүнтэй гэдгийг өнгөрсөн хугацаанд томилогдсон үе үеийн хотын дарга нарын шийдвэрүүд харуулдаг. Тэгвэл энэ удаа ямар хүнийг хотын даргаар ажиллуулах нь одоогоор тодорхойгүй байна.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.