Орон нутагт амьдардаг хүмүүс эрүүл аюулгүй орчинд амьдрах эрхтэй. Хууль бусаар алтны уурхайн үйл ажиллагаа явуулж байгаа хүмүүс тэдний аюулгүй байдлыг хамгийн их зөрчиж байна. Төрийн хамгийн дээд албан тушаалтан, ерөнхий сайдын албан тушаал хашиж байсан хүмүүс төрийн нийтийн өмч хөрөнгийг завшаад, зувчаад, зарим нь ялаа эдлэж, зарим нь гадаадад зугтаж, зарим нэг нь шалгагдаад явж байна. Энэ нь нийт иргэдийн эрх ашгийг ноцтой зөрчиж байгаа хэрэг юм.

Урт хугацааны хөгжлийн бодлогын бичиг баримт, хөдөлмөр эрхлэлтэд тусгагдсан төрийн албан хаагчдын ёс зүйн сахилга хариуцлагатай холбоотой асуудал байна. Нэгдүгээрт, УИХ-ын даргын захирамжаар байгуулагдсан ажлын хэсэг боловсруулсан УИХ-ын ёс зүйн дүрэм байдаг. Хоёрдугаарт, Засгийн газраас өргөн барих ёстой ёс зүйн сахилга хариуцлагыг хуулиар шийддэг байх хэрэгтэй. Төрийн албан хаагчдын хариуцлагатай холбоотой асуудал том асуудал болж байна шүү.

Гуравдугаарт, Эрдэнэтийн 49%, 51%, Сү.Батболдтой холбоотой асуудал хүртэл байна. Ийм учир ёс зүйтэй холбоотой асуудлыг яаралтай баталъя.