Ардчилсан шинэ Үндсэн хууль батлагдсаны 30 жилийн ойг тохиолдуулан парламентат ёсыг төлөвшүүлэн хөгжүүлэхэд хувь нэмрээ оруулсан, эрхэлсэн салбартаа тууштай ажиллаж, Улсын Их Хурлын гишүүн асан Төгсжаргалын Ганди өнөөдөр Соёлын гавьяат зүтгэлтэн боллоо.

Тэрбээр өмнө нь Нийгмийн хамгаалал, хөдөлмөрийн сайдаар ажиллаж байсан Монголын анхны эмэгтэй улстөрчдийн нэгд зүй ёсоор тооцогддог билээ. Сэтгүүлчээр ажлынхаа гарааг эхэлсэн түүний улстөрийн карьер МАН-ын эмэгтэй гишүүд дундаа нэлээн дээгүүрт орж байсан юм.