Налайх дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Н.Мандуул, дүүргийн менежер С.Ялалт, дүүргийн Засаг даргын Тамгын газрын дарга Г.Бат-Очир, дүүргийн Цагдаагийн хэлтсийн дарга, дэд хурандаа Ч.Мөнхбаатар нар иргэдийн аюулгүй байдлыг хангах, хүний эрх, эрх чөлөө, төр, хуулийн этгээдийн хууль ёсны ашиг сонирхлыг гэмт халдлагаас хамгаалах, нийгмийн дэг журмыг бэхжүүлэх зорилгоор хийгдэх камержуулалтын “Ногоон бүс” арга хэмжээний явцын мэдээлэл болон цаашид хийж хэрэгжүүлэх ажлын талаар уулзаж, санал солилцлоо.

Уулзалтын үр дүнд дүүргийн Засаг даргын 2024-2028 оны үйл ажиллагааны хөтөлбөр болон дүүргийн гэмт хэргээс урьдчилан сэргийлэх ажлыг зохицуулах салбар зөвлөлийн 2025 оны үйл ажиллагааны төлөвлөгөөнд “Дүүргийн нийтийн эзэмшлийн гудамж, зам, талбайн хяналтын камерын системийг үе шаттайгаар нэмэгдүүлэх” ажлыг тусган, орон нутгийн төсөв болон дүүргийн гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагааны зардлаас тодорхой хөрөнгийг төсөвлөхөөр шийдвэрлүүллээ.