Ложистикийн төв зах зээлийн нэгдсэн дэд бүтцийг сайжруулна
.
Үйл явдал, Үйл явдал
/
1 жилийн өмнө

Хөдөө аж ахуйн гаралтай бараа, түүхий эдийн арилжааг идэвхжүүлэх, зах зээлийн нэгдсэн дэд бүтцийг сайжруулах зорилгоор Улаанбаатар хотоос 50 километрийн зайд Төв аймгийн Аргалант сумын хоёр дугаар багийн нутаг дэвсгэрт “4 га” газарт байрлах Ложистикийн төвийг “Хөдөө аж ахуйн бирж” ХХК хөрөнгө оруулалт хийж барьж байгуулсан. Тус төвд

 

 

  • ноос, ноолуурын 600 метр квадрат агуулах,
  • мах, хүнсний 200 метр квадрат хөргүүртэй агуулах,
  • 210 метр квадрат талбайтай оффисын байр баригдаж байгаа бөгөөд энэ нь дуудлага худалдаа хийх танхим, лаборатори, албан контор байх юм.

Ложистикийн төв нь Улаанбаатар хотод хөдөө аж ахуйн гаралтай бараа, түүхий эдийг бэлтгэх, чанарыг тодорхойлох /лаборатори/, тээвэрлэх, хадгалах, даатгах болон биржээр арилжих цогц үйл ажиллагааг явуулахаар төлөвлөсөн бөгөөд дараах боломж бүрдэнэ. Үүнд:

  1. Арилжаалсан бараа, түүхий эдийг итгэмжлэгдсэн агуулахад хадгалах, ложистикийн систем болон хяналтын системээр дамжуулан биет бүтээгдэхүүний арилжааг хөнгөвчлөх,
  2. Дуудлага худалдааг тогтмол зохион байгуулах,
  3. Дотоодын үйлдвэрүүдийг арилжаанд оруулах, тэднийг дэмжих.
  4.  

 

 

 

 

 

Улаанбаатар хотын ложистикийн төвөөр дамжих зах зээлийн зохион байгуулалт 

 

 

“Хөдөө аж ахуйн бирж” ХХК-ийн 2019 оны хөрөнгө оруулалтын төлөвлөгөөнд тусгагдсаны дагуу Ложистикийн төвийн барилга угсралт, гадна тохижилтын ажлыг хийж гүйцэтгэхээр Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу тендер зарлаж, “Түшигт арга констракшн” ХХК шалгарч, барилгын ажлыг 1,523.7 сая төгрөгөөр гүйцэтгэхээр гэрээ байгуулан ажилласан.


Одоогоор тус төвийн бүтээн байгуулалтын ажил дууссан бөгөөд энэ оны хоёр дугаар улиралд багтаан ашиглалтад оруулахаар төлөвлөж байна.

 
 

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.