Архангай аймгаас ирсэн иргэд ХОТ руу орж чадахгүй гацсанаар нэг иргэн нас баржээ
.
Үйл явдал
/
1 жилийн өмнө

Өчигдөр буюу 12-р сарын 7-ноос эхлэн голомттой аймгуудаас хөдөлгөөн нээсэнтэй холбоотой нийслэл рүү орох 22-ын товчоон дээр бөөгнөрөл үүсч, хүний амь эрсдсэн асуудал гарсан байна.

Уг иргэний түргэвчилсэн оношлуурын шинжилгээгээр коронавирус илрээгүй байна.

Тодруулбал, өнөөдөр өглөө 07:00 цагийн орчимд Архангай аймгаас ирээд 22-ын товчоогоор гарах гэж байсан иргэн О нь постоор гарч чадалгүй нас барсан байна.

Эх сурвалжийн мэдээлж буйгаар тухайн иргэн “Зүрхний дутагдалд орлоо” хэмээн дуудлага өгсөн бөгөөд түргэн тусламж очиход хэдийн нас барсан байжээ. Урьдчилсан шалгалтаар талийгаачийн бие хөшсөн, нас бараад нэг цаг орчим болсон байжээ.

Одоогийн байдлаар цагдаагийн байгууллага, шүүх эмнэлгийн ажилчид хэргийн газарт ажиллаж, талийгаачийн ар гэрээс мэдүүлэг авч байгаа аж.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.