Иргэд, аж ахуй нэгжид хөнгөлөлт үзүүлэх НИЙГМИЙН ДААТГАЛЫН ТУХАЙ хуулийн төсөл санаачлан боловсрууллаа
.
Үйл явдал, Үйл явдал
/
1 жилийн өмнө
УИХ-ын гишүүн Н.Наранбаатар, Ж.Батжаргал, Д.Батлут, Б.Болорчулуун, Г.Ганболд, Т.Энхтүвшин, Ц.Сандаг-Очир, Д.Өнөрболор нар Нийгмийн даатгалын тухай хуульд нэмэлт өөрчлөлт оруулах тухай хуулийн төслийг санаачлан боловсрууллаа.
 
Дэлхий нийтээр тархсан цар тахалтай холбогдуулан иргэд сонгогчид болон Монголын Үйлдвэрчний эвлэлийн байгууллагуудаас УИХ-ын гишүүн бидэнд ирүүлсэн санал, хүсэлтэд тулгуурлан уг хуулийн төслийг судалж, Монгол Улсын Засгийн газраас болон УИХ-ын Тамгын газрын Мэдээллийн цахим системд байршуулан иргэдээс санал авсаны дагуу өнөөдөр /2021.05.04/ Улсын Их Хурлын даргад өргөн барьлаа.
 
Тус хуулийн төсөл хэрэгжсэнээр ажил олгогч болон нийгмийн даатгалын шимтгэл төлөгч иргэдийн нуруун дээрээс жил тутамд 190 гаран тэрбум төгрөгийн ачааг авч байгаа бөгөөд нөгөө талаас Засгийн газраас Улсын төсөвт тодотгол хийх, бусад сангуудын чөлөөт үлдэгдлээс нөхөх замаар зөрүүг нийгмийн даатгалын санд төвлөрүүлээд явах боломжтой юм.
 
Нийгмийн даатгалын шимтгэлийг бууруулсанаар нийгмийн даатгалын санд төсвөөс үзүүлэх дэмжлэг нь 2021 онд 94.5 тэрбум, 2022 онд 198.9 тэрбум төгрөгөөр нэмэгдэнэ.
Хуулийн төсөл батлагдсанаар нийгмийн даатгалын шимтгэл, тэтгэврийн даатгалын шимтгэлээс ажил олгогч 1 хувь, албан журмын болон сайн дурын даатгал төлөгч 1 хувь, нийт 2 хувиар тус тус чөлөөлөх юм.
 
Уг хуулийн төсөл 2021 оны 07 дугаар сарын 01-ний өдрөөс хэрэгжинэ.
 

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.