ОХУ-ын Ерөнхийлөгч В.Путин ялалт байгуулсан У.Хүрэлсүхэд БАЯР хүргэжээ
Д.Лхам
Үйл явдал, Тойрогт нь
/
7 сарын өмнө

ОХУ-ын Ерөнхийлөгч Владимир Путин Монгол Улсы 2021 оны Ерөнхийлөгчийн сонгуульд ялалт байгуулсан У.Хүрэлсүхэд захидал илгээж, баяр хүргэсэн талаар Кремлийн хэвлэлийн алба мэдээллээ.

Владимир Путины захидалд “Монгол Улсын Ерөнхийлөгчийн сонгуулийн үр дүн таны улс төрийн нэр хүндийг бүрэн нотоллоо. Төрийн тэргүүний хувьд таны хүчин чармайлт Орос, Монголын иж бүрэн стратегийн түншлэлийн харилцааг улам бүр бэхжүүлэхэд тусална гэж найдаж байна” гэжээ.

СЕХ-ноос зарласан урьдчилсан дүнгээр Монгол Улсын 2021 оны Ерөнхийлөгчийн ээлжит сонгуульд МАН-ын нэр дэвшигч У.Хүрэлсүх 68 хувиар ялалт байгуулсан. Улмаар СЕХ сонгуулийн дүнг УИХ-д өргөн барьж, УИХаас шинэ Ерөнхийлөгчийн бүрэн эрхийг хүлээн зөвшөөрсөн хууль гаргана. Үүний дараа У.Хүрэлсүх Үндсэн хуулийн дагуу Ерөнхийлөгчийн тангараг өргөснөөр зургаан жилийн бүрэн эрхийн хугацаа нь албан ёсоор хэрэгжиж эхлэх юм.

Эх сурвалж: TASS


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зочин
7 сарын өмнө
202.55.188.91
Шинэ Ерөнхийлөгч 2 хөршийнхөө ялангуяа хятадын олон нийтийн эрх ашгийн эсрэг бусдын хуулиар олгогдсон боломж эрх чөлөөг булаан авч буй мафуудын эсрэг хайр найргүй тэмцэл эхлүүлэх хэрэгтэй