Ойрын хавьтлын болон сайн дурын шинжилгээг улсаас үнэ төлбөргүй хийж байна
.
Үйл явдал
/
11 сарын өмнө

Засгийн газрын 118 дугаар тогтоолоор өндөржүүлсэн бэлэн байдалд шилжүүлсэн хугацааг зургаадугаар сарын 30-ны өдрийг хүртэл сунган ажиллаж байна. 18 төрлийн үйл ажиллагааг хязгаарласан байдаг. Үе шаттай нээсээр 89 төрлийн үйл ажиллагаанаас 80-ыг нь нээсэн.

Өнөөдрийн байдлаар жагсаал цуглаан, хурим найр, дэн буудал, бүх төрлийн нийтийн бүжиг баар, соёл урлаг, үзвэр спорт, цахим автомат, саун, шашин мөргөлийн газрууд хаалттай хэвээр байгаа.

Ресторан, кафе, сүлжээ хоолны газрыг танхимын 50 хувийн дүүргэлттэй нээхээр болсон байсан. Халдварын нөхцөл хүнд байдалд байна. Нийт манай улсад 83 мянган тохиолдол илэрсэн. Холбогдох мэргэжлийн байгууллагаас зарим төрлийн үйл ажиллагааг хязгаарлахаар болсон.

Хоол үйлдвэрлэл үйлчилгээний газар ресторан кафе, цайны газар, сүлжээ хоолны газруудыг долоо хоногийн хугацаанд заалаар үйлчлэх үйл ажиллагааг нь хязгаарлахаар болсон.

Хэдийгээр өнөөдөр манайд вакцинжуулалт өндөр хувьтай байгаа ч 0-17 насны хүүхдүүд халдварт өртөх нь ихэссэн. Худалдаа үйлчилгээний байгууллагуудаар вакцин хийлгээгүй хүүхэд, өндөр настан, жирэмсэн эхчүүдийг явахгүй байхыг хүсэж байна.

ААН-үүдэд хүндрэлтэй байгааг ойлгож байна. Хоолны газруудыг долоо хоногоор заалаар үйлчлэхийг зогсоосон ч ААН-үүдийг бүрэн хаагаагүй. Хүргэлтээр хоолоо гаргах боломжтой. Маскаа аваад үйлчлүүлдэг учраас эдгээр газруудад халдвар хамгааллын дэглэм сахиулах боломжгүй байна. Амралт жуулчны газруудад зөвхөн гэр бүлээрээ үйлчлүүлэх ёстой гэсэн ч анги хамт олноор явж байна. 


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.