Ч.Хүрэлбаатар гишүүн АЙДАСТАЙГАА нүүр тулж, ДАЙСАНТАЙГАА нэг тогооноос хоол идэх нь!!!
Д.Лхам
Үйл явдал
/
3 сарын өмнө

Засгийн газрын хэрэг эрхлэх газрын дарга, Монгол Улсын сайд гэсэн нэршлээр анх улстөрд томчуудын цүнх барьж улаан шугам давж орж ирсэн нөхөр бол өнөөгийн УИХ-ын гишүүн Чимэдийн Хүрэлбаатар. Тэрбээр МАН доторх шударга, чанга эдийн засагчдийн нэг. Тийм ч учраас элэгээрээ хэвтсэн эдийн засгийн гурван жилийн хугцаанд аятайхаан өргөөд босгочихсон нөхөр. Тийм ч учраас нам дотроо ТОМ ТОЛГОЙТОЙ, СЭХЛҮҮН ЯВДАГ байх.

Харин түүний улстөр дэхь ганц эрлэг нь олноо ЖЕНКО хэмээн алдаршсан, Монгол Улсын Ерөнхийлөгч асан Халтмаагийн Баттулга. Мөнхийн дайснууд гэхэд ч болохоор. Дайсан ч юу байхав дээ, хөөрхий. Улстөрийн аянд дөрөө нийлэхгүй л байхгүй юу. Бодлого, үйл ажиллагааных нь эсрэг зүйл ярьж, санал зөрдөг гэхүү дээ. Тийм ч учраас өөрийнхөө захиалж бүрдүүлсэн Засгийн газарт Ч.Хүрэлбаатар гэнэтхэн тооноор ороод ирэхэд нь ихэд дургүйцэж мань хулгар зөвхөн түүнд зориулж дөрвөн удаа хориг тавьж байсан удаатай.

Монгол Улсын төрийн тэргүүн анх удаагаа л хувь хүнд, өөрт таалагддаггүй сайдад хандаж хориг тавьж байсан гэхээр энэ хоёр ямархан харилцаатай гарууд вэ гэдэг нь уншигдаж байгаа биз. Хүрлээ сайд ч мөчөөгөө тавихгүй их үцэлцсэн дээ, Ерөнхийлөгч асан Х.Баттулгыг эдийн засгийн мэдлэггүй л гэнэ, төсвөө ойлгоогүй тууж явна, оффшороос нэг ч төгрөг орж ирээгүй л гэнэ... Гэтэл түүний хамгийн ихээр ҮЗЭН ЯДДАГ хорсолтон нь гэнэтхэн намын даргынх нь САЙН АХ болоод МАН-д шургаад ороод ирэхэд ихэр цочирдсон бололтой.

“Эсгий хийх газар нохой хэрэггүй”, МАН-д элсээд ороод ирвэл Увсад аваачиж ХИЧЭЭЛ ЗААНА гэгчлэн элдэвлэн хөөрхөөн чимхээд хаячихлаа... Яг үнэндээ мань хүн долоон удаа хориг тавиулсандаа өнөөг хүртэл гомдолтой явдаг бололтой. ЖЕНКО-г нээрэнгээсээ МАН-ын даргын зөвлөх болчихвий хэмээн үхтлээ айж, зүрх нь чичэрч яваа бололтойдог шүү.

 

Хааны хүү Батшугар ГУРВАН ЖИЛ ДАРААЛАН УЛИРАХ нь!!!

Сонгуулийн дагуу Сонгинохайрхан дүүргийн 18, Хэнтий аймгийн 28-р тойргуудад НӨХӨН СОНГУУЛЬ-д оролцох нам эвслийнхэн нэр дэвшигчдээ тодрууллаа. Эрх баригч намынхан тохиролцооны дагуу цагтаа УЛСТӨРИЙН ТОД ҮЗЭГДЭЛ болж мандахдаа ХААН хэмээх нэр зүүж байсан МАХН-ын дарга асан Гуравдахь Ерөнхийлөгч Н.Энхбаярын Батшугарыг Сонгинохайрханд, Ерөнхийлөгч У.Хүрэлсүхийн эзэнгүй орхисон суудлын төлөө Хэнтий аймгийн өнөөгийн Засаг дарга Ц.Идэрбат нарын дэмжжээ.

Харин жинхэнэ тамгатай гэх С.Эрдэнийн Ардчилсан намаас Сонгинохайрхан дүүргийн 18-р тойрогт Нийслэлийн Засаг дарга асан, Улсын баатар Эрдэнийн Бат-Үүлийг сойсон бол Хэнтий аймагт авлигын хэргээр нэг хэсэг шалгуулж байсан “Мон-роуд” ХХК-ийн захирал, УИХ-ын гишүүн асан Ц.Гарамгайбаатарыг дахин сойжээ.

Эндээс хамгийн харамсалтай нэр дэвшигч бол Намбарын Энхбаярын Батшугар юм. Тэрбээр МАХН-ын гишүүн байхдаа тус дүүргээс 2020 оны УИХ-ын сонгууль, 2020 оны орон нутгийн сонгуулиудад мөн нэр дэвшээд ХАРАМСАЛТАЙГААР ӨВДӨГ ШОРООДОЖ байсан туйлын азгүй улстөрчийн угсаа залгамжлагч юм. Ямартай ч аавын дэмжлэг, хоёр намын тохиролцооны дагуу дахин нэг удаа нэр дэвших мандатаа ӨВӨРТӨЛСӨН  ч УЛСЫН БААТАРТАЙ барилдахаар аманд гарчихлаа.

Сонгинохайрханы энэ удаагийн нөхөн сонгуульд хотын намынхан нэлээд ач холбогдол өгч, их ч мөнгө хаях нь тодорхой. Гэхдээ аав, ээжийнхээ өврөөд гараагүй бацаан АРДЧИЛЛЫН АЛТАН ХАРААЦАЙГ дийлнэ гэдэг юу л бол. Э.Бат-Үүл баатрыг ялаад гараад ирвэл МАН-ынхан Э.Батшугар хүүд ёстой найр тавьж, хадаг бариад сөгдөнө. Чадахгүй бол бараг намаас хөөгдөж ч мэднэ. Ахин улстөрийн дэмжлэг авахгүй байх.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.