Арваннэгдүгээр сарын 5, 26-нд шинжилгээний болон вакцинжуулалтын цэгүүд хэвийн ажиллана
Д.Лхам
Үйл явдал, Нийтлэл
/
2 сарын өмнө
Нийтээр тэмдэглэх тэмдэглэлт өдрүүдэд эрүүл мэндийн тусламж, үйлчилгээг тасалдуулахгүй байх , шинжилгээний болон вакцинжуулалтын цэгүүдийг цагийн хуваарийн дагуу ажиллуулах чиглэлийг Улсын Онцгой комиссоос холбогдох албаныханд өгсөн юм.


Энэ дагуу арваннэгдүгээр сарын 5, 26-ны өдрүүдэд дүүргийн эрүүл мэндийн төв, нэгдсэн эмнэлгийн мэс засал, гэмтэл, хүүхэд, дотор, шүдний кабинет, нийслэлийн Шүд, эрүү нүүрний төвийн хоёр кабинет зэрэг байгууллагууд 09:00-15:00 цагийн хооронд ажиллах хуваарь гарлаа.

Мөн Баянзүрх, Сонгинохайрхан, Хан-Уул, Чингэлтэй дүүргийн Эрүүл мэндийн төв, Ковидын рентгентэй амбулаторийг 10:00-15:00 цаг хүртэл ажиллуулахаар зохицуулалтыг хийжээ.

“Ковид-19” халдварыг илрүүлэх явуулын болон суурин шинжилгээний цэгүүд дээрх өдрүүдэд хуваарийн дагуу 09:00-12:00 цагийн хооронд ажиллах юм. Түүнчлэн дархлаажуулалтын цэгүүд хэвийн ажиллана.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.