Агаарын хилээр 19,4 тонн эм, эмнэлгийн хэрэгслийг татан авлаа
Д.Лхам
Үйл явдал, Нийтлэл
/
2 сарын өмнө
Эрээний хил дээр коронавирусын халдвар бүртгэгдсэнтэй холбогдуулан БНХАУ тодорхойгүй хугацаагаар хилээ хаагаад буй.
 
Монгол Улсын Засгийн газар, Улсын онцгой комиссоос шаардлагатай эм эмнэлгийн хэрэгсэл, хүнс, барааны татан авалтыг эрчимжүүлж, тасалдуулахгүй байх чиглэлээр боломжит бүхий л арга хэмжээг авч ажиллаж байна.
 
Энэ хүрээнд /2021.11.03/ БНСУ-аас эмнэлгийн зүү тариур, дуслын шингэн, өргөн хэрэглэгддэг антибиотик, цус шингэлэх эм зэрэг нэн шаардлагатай 19.4 тонн эм эмнэлгийн хэрэгслийг агаарын тээврээр татан авлаа.
 
Цаашид тасалдах магадлалтай жагсаалтад орсон эм, эмнэлгийн хэрэгслүүдийг энэ сарын 5, 8, 10-ны нислэгээр татан авахаар төлөвлөн ажиллаж байна.
 
Эдгээр эм, эмнэлгийн хэрэгслийн үнийг нэмэхгүй байх шаардлагыг эм ханган нийлүүлэх байгууллага болон эмийн сангуудад тавьж буй бөгөөд Эм, эмнэлгийн хэрэгслийн хяналт, зохицуулалтын газар хяналт тавин ажиллах юм.

 


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.