Голомт банк гадаад шилжүүлгийн SWIFT GPI системийг нэвтрүүллээ
Д.Лхам
Үйл явдал
/
1 сарын өмнө

Олон улсын төлбөр тооцооны SWIFT сүлжээний шинэ систем болох SWIFT GPI системийг Голомт банк үйл ажиллагаандаа амжилттай нэвтрүүллээ. Уг системээр дамжуулан бид харилцагчдадаа гадаадын улс орон руу төлбөр шилжүүлснээс эхлээд хүлээн авагчийн дансанд орох хүртэл бүх шатны дэлгэрэнгүй мэдээллийг нь шуурхай шалгаж өгөх боломж бүрдлээ. SWIFT GPI системээр дамжуулан та бүхэн гадаад төлбөр тооцоотой холбоотой доорх мэдээллийг лавлах боломжтой.

Үүнд:

  • Гадаад шилжүүлгийн төлөв, мэдээлэл
  • Эцсийн хүлээн авагчийн дансанд шилжүүлэг хийсэн огноо, дүн
  • Гүйлгээний дүнгээс дамжуулагч банкнуудын суутгасан шимтгэлийн мэдээлэл
  • SWIFT системд гүйлгээ дамжуулсан нийт хугацаа
  • Дамжуулагч банкуудын мэдээлэл, гүйлгээ дамжуулсан хугацаа

Олон улсын төлбөр тооцооны SWIFT сүлжээний тухай:

Анх 1973 онд дэлхийн 19 орны 250 орчим банк хамтран Олон улсын төлбөр тооцооны SWIFT сүлжээг байгуулсан ба Голомт банк уг сүлжээнд нэгдээд 20 гаруй жил болжээ. Харин энэ удаад бидний нэвтрүүлсэн SWIFT GPI системийн хувьд  2017 оноос олон улсад хэрэглэж эхэлсэн байна. Энэхүү системийг олон улсын банк санхүүгийн 4000 гаруй байгууллага үйл ажиллагаандаа ашиглаж байгаа юм.

Харилцагч та гадаад шилжүүлэгтэй холбоотой лавлагаа, мэдээллээ Голомт банкны дурын салбар, нэгжид хандан шууд авах боломжтой. Мөн цаг заваа хэмнэн доорх сувгуудад хандаж, гадаад шилжүүлэгтэй холбоотой мэдээллээ шалгуулаарай.

  • Харилцагчийн үйлчилгээний төв: 1800-1646
  • Голомт банкны албан ёсны фэйсбүүк хаяг: Golomt Bank
  • Viber хаяг: (+976 99441646)
  • И-мэйл хаяг: [email protected][email protected]

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.