Х.Ганхуяг: Би Хөгжлийн банкинд нөлөөлж зээл аваагүй. Тэр үед Г.Амартүвшинг ТАНЬДАГГҮЙ байсан
З.Батхуяг
Үйл явдал
/
9 сарын өмнө

"Вертекс Майнинг Партнер" компани Хөгжлийн Банкнаас 2020 онд 33 тэрбум төгрөгийн зээл авсан, улмаар чанаргүй зээлдэгчийн ангилалд орсон талаар Хөгжлийн банкнаас мэдээлсэн.

Энэ компанийн гүйцэтгэх захирлаар УИХ-ын гишүүн Х.Ганхуягийн төрсөн эгч ажилладаг аж. Тус компани Хөгжлийн банкнаас зээл авахад түүнийг албан тушаалын байдал, намын харьяаллаа урвуулан ашигласан эсэхийг Авлигатай тэмцэх газраас шалгаж байгаа.

Энэ талаар УИХ-ын гишүүн Х.Ганхуяг "Хоёр жил намайг гүтгэлээ. Миний төрсөн эгч тэр компанид ажилладаг нь үнэн. Гэхдээ би Хөгжлийн банкнаас зээл авахад нь нэр, нөлөөгөө ашиглаагүй. Шалгуурыг нь хангаад л 100 орчим тэрбум төгрөгийн барьцаа байршуулаад уул, уурхайн компанийн хөрс хуулалт хийхээр зээл авсан юм билээ. Зээлийнхээ хагасаас илүүг төлсөн учраас одоо хэвийн ангилалд орсон. Ойрын 4-5 сард зээлээ бүрэн төлж дуусахаар төлөвлөсөн байна" гэв.

Ташрамд, Хөгжлийн банкнаас олгосон 30 гаруй зээлд албан тушаалтнууд нөлөөлснийг тогтоосон гэж Авлигатай тэмцэх газраас мэдээлсэн.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.