Сонгинохайрхан дүүргийн засаг дарга 11-11 төвд ирсэн иргэдийн санал, хүсэлтийг үндэслэн дотоод хэлтэс, албадын мэргэжилтнүүдэд чиглэл өглөө
А.Админ
Үйл явдал
/
1 сарын өмнө
Ерөнхий сайдын ажлын албаны дэргэдэх Иргэд, олон нийттэй харилцах 11-11 төвд энэ сарын 16 буюу өнгөрөгч даваа гарагт Нийслэлийн Засаг дарга бөгөөд, Улаанбаатар хотын Захирагч Д.Сумьяабазар есөн дүүргийн Засаг дарга нарын хамт иргэдтэй уулзсан. Энэ хүрээнд иргэд газрын зөрчил, барилга, автомашины зогсоол, эрүүл мэндийн тусламж, үйлчилгээний талаарх нийтлэг асуудлуудыг хөндөн санал, гомдлоо илэрхийлсэн. Уулзалтын үеэр Хотын дарга Нийслэлийн удирдлагуудад иргэдэд тулгамдсан асуудлуудыг судалж шуурхай хариу өгч, хуулийн хүрээнд шийдвэрлэхийг үүрэг болгосон.
 
Энэ хүрээнд Сонгинохайрхан дүүргийн Засаг дарга Н.Алтаншагай иргэдийн санал, гомдлыг нэн түрүүнд шийдвэрлэх шаардлагатай хариуцлагатай үүргийг хүлээдэг хэлтэс, албадын мэргэжилтнүүдтэй хуваарийн дагуу уулзалт зохион байгуулан чиглэл өгч байна. Тодруулбал, Газар зохион байгуулалтын 1,2 дугаар алба, Мэргэжлийн хяналтын хэлтсийн мэргэжилтэн, албан хаагчдад олон нийттэй харилцах 11-11 төвд ирж буй иргэдийн санал, гомдлын талаар дуулгаж энэ хүрээнд нэгжийн үүрэг, хариуцлагыг хүрээнд иргэдэд төрийн үйлчилгээг хурдан шуурхай үзүүлэх, албан хаагчдын дунд эргэх холбоо илүү сайжрах, нийтийн эрх ашиг сонирхолд нийцсэн чанартай үйлчилгээг тасралтгүй хүргэхэд хамтран анхаарч ажиллахыг зөвлөлөө.

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.