Ц.Магалжав: Э.Оюунболд, Б.Бат-Орших нарт ЦОЛ ЧИМЭГ НӨХӨЖ олгохгүй
З.Батхуяг
Үйл явдал
/
1 сарын өмнө

УИХ-ын чуулганы хуралдаанаар Үндэсний их баяр наадмын тухай хуулийн шинэчилсэн найруулгыг хэлэлцэж байна. 

УИХ-ын гишүүн А.Адъяасүрэн: Үндэсний их баяр наадмын тухай хууль батлагдсанаар 62 бөхөд цол нэмж олгоно гэдгийг хууль санаачлагч хэлсэн. Допингийн асуудалд холбогдсон нийт 38 бөх байдаг юм байна. Миний мэдэж байгаагаар гурван бөхийн цолыг хурааж, барилдуулахгүй байгаа гэж ойлгосон. Тодорхой нэр зааж асууя. Энэ хууль батлагдвал цол олгох 62 бөхөд Хэнтий аймгийн Э.Оюунболд, Увс аймгийн Б.Ганзориг, Баянхонгор аймгийн Б.Бат-Орших нарын нэрс байгаа юу. Эдгээр 62 хүний нэрийг олон нийтэд хэзээ мэдэгдэх вэ.  

Хууль зүй, дотоод хэргийн яамны Төрийн нарийн бичгийн дарга П.Сайнзориг: Нийт 63 бөхийн асуудал бий. Ардын хувьсгалын ойн баяр тэмдэглэж ирснээс хойш бөхчүүдэд харилцан адилгүй цол олгож ирсэн. Энэ нь нийгмийн гарал, эрхэлж байсан ажлаас нь шалтгаалан ялгавартай хандаж ирсэнтэй холбоотой. Жишээ нь, лам хүн түрүүлэхэд цол олгодоггүй байсан гэх мэт.Өмнөх байнгын хорооны хуралдааны үеэр С.Бямбацогт гишүүн энэ мэт маргааныг цэгцэлж байж дараа нь хэл амгүй болох юм биш үү гэж асууж байсан. Энэ асуудлыг дагаж мөрдөх журмын хуулиар зохицуулах бүрэн боломжтой гэдэг хариултыг миний бие өгсөн. Дээрх 63 хүний ихэнх нь мөнх бусыг үзүүлсэн. Заримынх нь ар гэрийнхэн Захиргааны хэргийн шүүхэд олгох ёстой байсан цолыг нь олгуулах тухай асуудлаар хандаад явж байгаа тохиолдол ч бий.

Хоёрдугаарт, одоогийн байдлаар допингийн асуудалд холбогдсон 39 бөх байна. Үүнээс барилдах эрхээ хасуулсан зургаан бөх байгаа. Э.Оюунболд, Н.Батсайхан, Б.Уртнасан. Б.Хадбаатар, Б.Лхагвадорж, Д.Ням-Очир нарын зургаан бөх Монголын үндэсний бөхийн холбооны шийдвэрээр барилдах эрх нь хасагдсан байна.

Монголын үндэсний бөхийн холбооны ерөнхийлөгч Ц.Магалжав: Одоо мөрдөгдөж байгаа хуулийн дагуу Э.Оюунболд, Б.Бат-Орших нарт унасан бөхчүүдэд цол, чимгийг нь өнгөрсөн жил олгосон. Тэгэхээр энэ хоёр бөхөд цол, чимэг нөхөж олгох боломжгүй. Б.Ганзориг гэдэг бөх 2015 оны наадмаар допинг хэрэглээд цолоо олгосон. 2003 онд Адъяабат, Суманчулуун гэдэг хоёр бөхийн цол хураагдсан байсан. Түүнийг 2021 оны зургадугаар сарын 20-нд Ерөнхийлөгч Х.Баттулга цол хураасан зарлигийг хүчингүй болгосноос одоо Улсын начин цолтой байгаа. Үүнтэй адил Б.Ганзоригийн цолны тухайд Ерөнхийлөгчийн бүрэн эрхийн хүрээнд шийдэгдэх асуудал.

Б.Бат-Оршиход унасан Б.Орхонбаяр начинд харцага бол олгочихсон. Тэгэхээр нэг даваан дээр хоёр бөхөд цол өгөх боломж байхгүй гэлээ


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
баясук
1 сарын өмнө
172.69.45.139
Төрийн бус байгууллага хүний эрх чөлөө амжилт алдааг үнэлж дүгнэх хууль эрх зүйн ямар үндэслэл байна вэ?
Zochin
1 сарын өмнө
172.69.252.139
Ta nariin shiidver buruu bnaa geed gartsiin bol ta nar hariutslagaa huleegeed ogtsroh yostoi naad hediinhee tsoliig uguh yostoi er ni bol shinjlegeenii hariu garsan hoino ni tsol temdgiig ugdug bh heregtei
zochin
1 сарын өмнө
172.69.45.139
hutsaach uvsiin taviul
шаа
1 сарын өмнө
172.69.252.143
увсынханы гар хөл магалжав шуналт
Зочин
1 сарын өмнө
162.158.179.148
Magaljav uuruu zaan bolson nuhuj shvv 7davagui bj ; 7davsan orig zaan tsolnii chimeg ni Ragchaa garidad davhar bga tiim bj iim tsetsen ym yriad shudarga esond niitseh vv