“Агаар, орчны бохирдлыг бууруулах үндэсний хөтөлбөрийн хэрэгжилтийг эрчимжүүлэх нь” сэдэвт хурал зохион байгуулагдлаа
А.Админ
Үйл явдал
/
1 сарын өмнө
Улсын Их Хурлын Тогтвортой хөгжлийн зорилгын дэд хороо, Агаарын бохирдлыг бууруулах асуудлын дэд хороо, НҮБ-ын Хүүхдийн Сан хамтран  “Агаар, орчны бохирдлыг бууруулах  үндэсний хөтөлбөрийн хэрэгжилтийг эрчимжүүлэх нь”  сэдэвт хурлыг Швейцарын Хөгжлийн Агентлагийн дэмжлэгтэй 2022 оны 05 дугаар сарын 24-ний өдөр зохион байгууллаа.



Уг хуралд Улсын Их Хурлын Тогтвортой хөгжлийн зорилгын дэд хороо, Агаарын бохирдлыг бууруулах асуудлын дэд хороо, Байгаль орчин, аялал жуулчлалын яам, Эрүүл мэндийн яам, Эрчим хүчний яам, Барилга, хот байгуулалтын яам болон Олон улсын байгууллагын төлөөлөгчид, Тогтвортой хөгжлийн олон талт зөвлөлийн гишүүдийн төлөөлөл оролцлоо. Мөн энэ үеэр Агаар, орчны бохирдлыг бууруулах үндэсний хөтөлбөрийн хэрэгжилт болон УИХ-ын Агаарын бохирдлыг бууруулах асуудлын дэд хороо, НҮБ-ын Хүүхдийн сан хамтран 2021 оны 12-р сарын 14-нд зохион байгуулсан “КОВИД-19 цар тахлын үед агаарын бохирдол: Эрүүл, аюулгүй орчинд амьдрах эрх” зөвлөлдөх уулзалтаас гарсан зөвлөмжийн хэрэгжилтийн талаар Засгийн газрын холбогдох байгууллагуудын мэдээлэл, хөгжлийн байгууллагуудын төлөөллийн мэдээлэлтэй танилцан, цаашид  хэрэгжилтийг эрчимжүүлж, эрүүл, аюулгүй орчныг бий болгох тавьсан зорилгоо хангахад чиглэсэн үр дүнд хүрэхүйц салбар дундын хамтын ажиллагаа, уялдаа холбоог сайжруулах, хэрэгжүүлэх арга зам, шийдлийн талаар хэлэлцлээ.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.