“АЧИТ-ИХТ” ХХК-ийн үйл ажиллагаатай танилцлаа
А.Админ
Үйл явдал
/
2 долоо хоногн өмнө
Хөдөлмөрийн аюулгүй байдал, эрүүл мэндийн төвийн дарга М.Даваабат болон бусад албаны төлөөлөл Орхон аймагт үйл ажиллагаа явуулдаг “Ачит-Ихт” ХХК-ийн үйлдвэрийн орчин нөхцөлтэй танилцлаа. “Ачит-Ихт” ХХК нь байгальд сөрөг нөлөө багатай, дэвшилтэд техник технологи ашиглан балансын бус хүдрийн 2-р овоолгыг боловсруулан зэсийн үйлдвэрлэл явуулдаг.

Тус компани нь үйлдвэрлэлийн бүх шатанд аюулыг тодорхойлох, эрсдэл ба боломжийг үнэлэн дүн шинжилгээ хийж, хянан эрсдэлийг удирдах чиглэлээр ажлаа зохион байгуулдаг ба хөдөлмөрийн нөхцөлөөс шалтгаалах осол, гэмтэл өвчлөлөөс сэргийлэх, ажлын байрны эрүүл аюулгүй байдлыг үйл ажиллагаандаа эрхэмлэн ажилладаг байна. Мөн эрсдэлгүй үйлдвэрлэл эрхлэх, химийн бодисын тээвэрлэлт, агуулахын хадгалалт, хамгаалал, стандарт, тэмдэг тэмдэглэгээг хянаж, ХАБЭА-н мэдлэг, зөв арга барил, соёл, зан үйлийг төлөвшүүлэх сургалтыг хэрэгжүүлэн ажиллаж буй.

“Ачит-Ихт” ХХК нь “Эрүүл аюулгүй ажлын байрыг эрхэмлэгч байгууллага-2021” болзолт уралдааны уул уурхайн салбарын тэргүүн байрын эзнээр шалгарсан билээ.


Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.