Хууль зүй, дотоод хэргийн сайд Х.Нямбаатараар ахлуулсан ажлын хэсэг Завхан аймагт ажиллалаа
З.Ханд
Үйл явдал
/
3 сарын өмнө
Ажлын хэсэг өнгөрсөн амралтын өдрүүдэд Завхан аймагт ажиллаж, тус яамны харьяа байгууллагуудын алба хаагчидтай уулзаж, төрийн үйлчилгээг цахимжуулж, хүртээмжтэй болгох, Засгийн газраас хэрэгжүүлж буй шинэ сэргэлтийн бодлого болон төрийн бүтээмжийн сэргэлтийн талаар авч хэрэгжүүлэх арга хэмжээний талаар танилцуулж, ажиллах орчин нөхцөлийг сайжруулах чиглэлээр санал солилцлоо.
700
Түүнчлэн Завхан аймгийн Тэс, Баянтэс сумын нутгийг дамнан хил хамгаалах ажлыг зохион байгуулж байгаа хилийн цэргийн 0277-р ангид ажиллаж, алба хаагчидтай уулзжээ. Тус ангийн хувьд усан хилийн эргүүл хийдэг тул усан хил хамгаалалтын техникийг сайжруулах, хил дамнасан гэмт хэргээс урьдчилан сэргийлэх үүднээс ирэх онд хилийн инженерийн торон саадын сайжруулах ажлыг тус ангид зохион байгуулах юм.
700
Үүнээс гадна хил хамгаалалтын нягтралыг нэмэгдүүлэх, алба хаагчдын ажиллах нөхцөлийг сайжруулах үүднээс ирэх жилийн төсөвт хилийн цэргийн 0277-р ангийн цогцолбор барилгыг шинээр барьж байгуулах ажлыг эхлүүлэхээр төлөвлөсөн гэдгийг Х.Нямбаатар сайд онцолсон юм.

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.