Барилга, хот байгуулалтын сайдын шуурхай хуралдаан боллоо
З.Ханд
Үйл явдал
/
2 сарын өмнө
Сайдын ээлжит шуурхай хуралдаан /2022.09.26/-ны өдөр боллоо. Барилга, хот байгуулалтын яамны газар хэлтсүүд, харьяа байгууллагуудын өнгөрсөн 14 хоногт хийж хэрэгжүүлсэн ажлын мэдээллийг яамны Бодлого төлөвлөлтийн газрын дарга Б.Гүнболд шуурхай хуралдаанд танилцууллаа.
 
Мэдээллийн дараа цаг үеийн асуудлуудаар холбогдох албан тушаалтнууд нэмэлт мэдээлэл өглөө. Үүнд, БХБЯ-ны Барилгын материалын үйлдвэрлэлийн хэлтсийн дарга Д.Батзориг цементийн үнийн өсөлттэй холбоотой авч хэрэгжүүлж буй арга хэмжээний талаарх мэдээллийг танилцуулав.
Тодруулбал, “МАК” ХХК өнгөрсөн долоо хоногт цементийн үнээ өсгөсөн, үүнтэй холбогдуулан ШӨХТГ давамгай аж ахуйн нэгжүүдийг нарийвчлан шалгахаар болсон, бусад аж ахуйн нэгжүүдийн үнэд өөрчлөлт гараагүй, цементийн өртөг үнийг тооцох, захууд дээр шуудайтай цементийн ханган нийлүүлэлтийг нэмэгдүүлэх чиглэлээр ажиллаж байна.
 
700
Тус мэдээллийн дараа БХБЯ-ны Хяналт-шинжилгээ, үнэлгээ дотоод аудитын газрын дарга Л.Идэрцогт Монгол Улсын 2022 оны хөгжлийн төлөвлөгөөний хэрэгжилт болон Ерөнхий сайдын үүрэг даалгаварын хэрэгжилтийн явцыг танилцуулав. Дээрх баримт бичгүүдийн хэрэгжилт нийт дүнгээрээ 76-90 хувийн биелэлттэй гарч байгаа ч анхаарах зарим ажлууд байгааг холбогдох удирдлагуудад анхаарууллаа.
700
Шуурхай хуралдаанд тавигдсан цаг үеийн мэдээллүүдтэй холбоотойгоор мөн ирэх өдрүүдэд хийгдэх ажлууд, томоохон төсөл хөтөлбөрүүдийг урагшлуулах хүрээнд Б.Мөнхбаатар сайд газар хэлтэс, харьяа байгууллагуудын удирдлагуудад дараах үүрэг чиглэлийг өглөө.
Үүнд:
- Цементийн хомсдол болон үнийн хөөрөгдөлтэй холбоотойгоор үйлдвэрлэл эрхлэгчид болон ШӨХТГ-тай уулзаж, шийдэл гаргах,
-”Ногоон нуур-1008 айлын орон сууц”, Төв цэвэрлэх байгууламжийн төслийн цементийг хэрэгцээг тогтвортой хангах талаар мэдээлэл өгөх,
- Монгол Улсын 2022 оны хөгжлийн төлөвлөгөө, Ерөнхий сайдын үүрэг даалгаварын хэрэгжилтийг бүрэн хангаж ажиллах талаар яам болон харьяа байгууллагууд онцгойлон анхаарах,
- Нийтийн аж ахуйн салбарын үйлчилгээ, тусгай зөвшөөрлийг цахимжуулах талаар танилцуулах,
- Тендэрийн үйл ажиллагаатай холбоотой дутуу ажлыг ирэх 14 хоногийн хугацаанд эцэслэж дуусгах,
- Яамны захиалгаар хэрэгжүүлж байгаа зураг төслийн ажлууд болон зарим төсөл хэрэгжүүлэх нэгжийн үйл ажиллагаанд дотоод аудит хийх,
- Газрын тухай хуулийн шинэчилсэн найруулгын төслийн хэлэлцүүлгийг энэ долоо хоногт багтаан зохион байгуулах, бэлтгэлийг хангах зэрэг ажлыг үүрэг болгов.
 
700
 
 
700
 
 

Сэтгэгдэл
Анхаар! Уншигчдын бичсэн сэтгэгдэлд http://ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.