“Улаанбаатар-2023” Зүүн Азийн залуучуудын наадам Монгол бөхийн өргөөнд боксын тэмцээнээр эхэллээ.
Боксын тэмцээнд 43 тамирчин өрсөлдөхөөр бүртгүүлсэн бөгөөд өнөөдөр зарим жингийн урьдчилсан шатны тоглолтууд явагдаж байна.
Монголын боксчдын салхийг хагалж өсвөр, залуучуудын улсын аваргын алтан медаль болон шилдэг боксчны шагналт, Алматын олон улсын тэмцээний хүрэл медальт Э.Номундарь рингэнд гарсан юм.
Эмэгтэйчүүдийн 54 кг-д өрсөлдөж буй түүний учраа нь БНСУ-ын У Еэ Жин байв.
Манай тамирчин эхний минутаас санаачилгыг авч, тулааныг удирдан тоглосон. Улмаар гурван үеийн тулааны эцэст шүүгчдийн 4:1 гэсэн саналаар ялалт байгууллаа.
Э.Номундарь энэ тулаанд ялснаар хагас шигшээд шалгарч, хүрэл медалийн болзол хангаж байна. Тэрбээр маргааш мөнгөн медалийн төлөө тулалдах юм.
Удахгүй эрэгтэйчүүдийн 60 кг-д У.Алтангэрэл, 63.5 кг-д Ү.Баасандаш нар рингэнд гарах болно.
Баг тамирчдадаа амжилт хүсье!
Сэтгэгдэл:
Таны IP: (18.190.219.178)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Холбоотой мэдээ
-
2024-11-20
