Сүүлийн жилүүдэд нийслэлийн тулгамдсан асуудал болоод буй агаар, хөрс, орчны бохирдлыг бууруулах үндсэн шийдэл нь орон сууцжуулах юм. Тиймээс Нийслэлийн Орон Сууцны Корпораци ХК-ийн зүгээс СХД-ийн 8 дугаар хорооны иргэдтэй гэр хорооллын дахин төлөвлөлтийн төслийг хамтран хэрэгжүүлэх талаар уулзалт зохион байгуулж байна. Иргэдийн зүгээс гэр хорооллын дахин төлөвлөлтийн төсөлд хамтран ажиллах хүсэлтэй байгаагаа илэрхийлж байсан бөгөөд урьд онуудад гарсан алдаа дутагдлыг давтахгүй байхыг сануулж байсан.