Турк улсын түүхэн дэх агуйн гүнээс аврах хамгийн том ажиллагаа явагдаж байна
Туркийн Taurus Mountains нурууны Морка агуйн газрын зураг гаргахад тусалж явсан, АНУ-ын иргэн агуй судлаач Марк Диккиг 1276 метр гүн агуйн ёроолоос гаргах ажиллагаа үргэлжилж байна. Тэрээр агуйн гүнд байхдаа хоол боловсруулах эрхтний хүнд хэлбэрийн цус алдах өвчнөөр өвчилжээ. Хамт явсан багийнхан нь түүнийг газар доорх 1040 метрийн гүн дэх бааздаа буцаж ирэхэд нь тусалсан байна.
Дикиг аврах ажиллагаанд Турк улсын цэрэг хүчний байгууллага, дэлхийн өнцөг булан бүрээс ирсэн агуйн аврагч, эмч зэрэг нийт 170 гаруй хүн оролцож байгаа талаар Associated Press мэдээлэв. Тус багийнхан Дикиг дамнуургаар агуйгаас гаргах төлөвлөгөө боловсруулсан бөгөөд үүнд 2-3 долоо хоног шаардагдана гэв.
Морка агуй нь маш хүйтэн, давчуу орон зайтай, Туркийн хамгийн гүн агуйнуудын нэг бөгөөд тус улсын түүхэн дэх хамгийн том агуйн гүнээс аврах ажиллагаа болж байгаагаараа онцлог аж. Аврах ажиллагаанд Болгар, Хорват, Унгар, Итали, Польш, Турк зэрэг улсын аврах багийнхан оролцож байна.
Орчуулсан Б.Гэрэлзаяа
Эх сурвалж:Global News
Сэтгэгдэл:
Таны IP: (3.14.135.82)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Холбоотой мэдээ
-
2024-11-20
