Онцгой байдлын байгууллага гамшгийн үеийн холбоо, зарлан мэдээллийн чадавхыг нэмэгдүүлэх зорилт тавин ажиллаж байна. Сүүлийн жилүүдэд өсөн нэмэгдэж буй цаг уурын шинэ сорилтууд тус салбарын алба хаагчдыг тасралтгүй суралцах, мэдээллийг цаг алдалгүй боловсруулдаг байхыг шаардах болсон. Тиймээс алба хаагчдадаа “Гамшгийн орон зайн мэдээллийн систем”-д гамшиг, аюулт үзэгдэл, ослын мэдээлэл бүртгэх, зураглал тайлан гаргах, мэдээллийн аюулгүй байдлыг хангах мэдлэг, ур чадвар эзэмшүүлэхэд зорьж байна.