Санхүүгийн салбарын хөгжилд банк, хөрөнгийн зах зээл, даатгалын зах зээлийн зөв харьцаа чухал

Монгол Улсын санхүүгийн салбарын 83 орчим хувийг банк, 10 хувийг хөрөнгийн зах зээл, ердөө 2 хувийг даатгалын зах зээл эзэлж байна. Тэгвэл банк давамгайлсан санхүүгийн бүтцээс илүү даатгал, хөрөнгийн зах зээлийн эзлэх хувийг нэмэгдүүлэн хөгжүүлэх бодлогыг хэрэгжүүлж байна. Энэ хүрээнд олон улсын даатгалын зах зээлийн хөгжилд гарч буй өөрчлөлт, шинэчлэлтэй уялдуулан даатгалын бүтээгдэхүүн, үйлчилгээг техник технологийн хамт цаг алдалгүй Монголд нэвтрүүлж байгаагийн нэг нь Экспортын зээлийн даатгалын үйлчилгээ юм.