“Нийслэлийн нутгийн захиргааны байгууллагуудын үйл ажиллагааны үр дүнг үнэлэх тухай” нийслэлийн Засаг даргын 2022 оны А/1504 дүгээр захирамжийн хүрээнд байгуулагдсан Ажлын хэсэг өнөөдөр Чингэлтэй дүүрэгт ажиллалаа

Тус Ажлын хэсэг нь Нийслэлийн Засаг дарга бөгөөд Улаанбаатар хотын Захирагчийн үйл ажиллагааны хөтөлбөр, эдийн засаг, нийгмийг 2022 онд хөгжүүлэх үндсэн чиглэлийн биелэлтийг хангахад чиглэгдсэн үйл ажиллагааг зохион байгуулж, хэрэгжүүлсэн байдал, байгууллагуудын дүрмээр хүлээсэн үүрэг, үндсэн үйл ажиллагааны бүтээмжийн байдал зэрэг чиглэлүүдийн дагуу Чингэлтэй дүүргийн Засаг даргын Тамгын газрын хэлтэс, албадын 2022 оны үйл ажиллагааны үр дүнг үнэллээ.

Мөн дүүргийн 30 жилийн ойн хүрээнд Засаг даргын Тамгын газраас хийж, хэрэгжүүлсэн ажлуудыг үр дүнтэй ажил болсныг онцлоод, бодлогын баримт бичгийн хэрэгжилт, үйл ажиллагааны ил тод байдал, хүний нөөцийн ил тод байдал зэрэг чиглэлээр хэлтэс, албадад анхаарвал зохих асуудлаар заавар, зөвлөмж өгч ажиллалаа.