Хүний эрхийн үндэсний комиссоос “Хоригдлын хөдөлмөрийн нөхцөл байдлыг тодорхойлох судалгаа”-г танилцууллаа. Уулзалтад ШШГЕГ болон хууль сахиулах байгууллагын удирдлага, “Ардчилал судлалын хүрээлэн” ТББ, Хууль зүйн үндэсний хүрээлэнгийн удирдлага, төлөөллүүд оролцлоо

Энэ үеэр ХЭҮК-ын гишүүн, доктор Д.Сүнжид " Шүүхийн шийдвэр гүйцэтгэх тухай хуульд заасны дагуу хоригдлын хөдөлмөрийн нөхцлийг тодорхойлохдоо Хөдөлмөрийн тухай хуулийг баримталдаг. Хөлсний хувьд хөдөлмөрийн хөлсний доод хэмжээтэй уялалдуулах ёстой. Өмнө нь 2016 онд хийгдсэн судалгаагаар хоригдлыг өөрийнх дур зоргоор бус хувь хүн, аж ахуйн нэгжүүдэд албадан ажиллуулсан тохиолдол илэрч байсан. 2022 онд хийгдсэн судалгаагаар ийм нөхцөл байдал тогтоогдоогүй. Өөрөөр хэлбэл хоригдолд ажлын нөхцөл, цалин хөлсийг танилцуулж, зөвшөөрлийг нь гарын үсгээр баталгаажуулдаг. Дээрх бичиг баримтад прокурор хяналт тавиад явж байгаа тул дур зоргоос ангид ажиллуулах явдал байхгүй болсон" гэв.

Хорих ангид ял эдэлж буй хүмүүс үйлдвэрлэл болон аж ахуйн үйлчилгээнээс гадна гадуур гэрээгээр ажиллах гэсэн үндсэн гурван чиглэлээр хөдөлмөр эрхэлдэг.

Цаашдаа хаалттай хорих ангид ажлын байрыг нэмэгдүүлэх, бүх насаараа хорих ялтай хүмүүсийн хөдөлмөр эрхлэх боломжийг нээх талаар энэхүү уулзалтаар хөндлөө.