Чөлөөт бөхийн дэлхийн чансаа олгох тэмцээн эхэллээ
Үйл явдал
/
2023-02-03
Жиргэх

Чөлөөт бөхийн дэлхийн чансаа олгох 2023 оны эхний тэмцээн энэ сарын 1-нд Хорватын нийслэл Загреб хотод эхэллээ.

Тэмцээний эхний өдөр Монголын шигшээ багийн тамирчин Т.Тулга -65 кг алт, Н.Наранхүү -61 кг жинд мөнгөн медаль хүртсэн байна.

Загребын чансааны тэмцээнийг монголын 10 тамирчин зорьсон бөгөөд гурав нь өнгөрсөн шөнө зодоглосон. Эрэгтэйчүүдийн -61 кг жинд Нармандахын Наранхүү Франц, Туркийн бөхчүүдийг ялж финалд Ираны бөхөд 11-3 оноогоор ялагдсан байна.

Загребын чансаа олгох тэмцээнээс Т.Тулга алт, Н.Наранхүү мөнгөн медаль хүртлээ

 

Харин эрэгтэйчүүдийн -65 кг жинд Төмөр-Очирын Тулга Аргентин, АНУ, Унгарын бөхчүүдийг ялсаар финалд АНУ-ын МакКеннаг 4-1 харьцаагаар ялж аваргалжээ.

Мөн эрэгтэй -70 кг жинд Энхтуяагийн Тэмүүлэн хүрэл медалийн төлөө Гүржийн бөхөд 8-2 харьцаагаар ялагдаж тавдугаар байр эзэлсэн байна.

Тэмцээний түрүү бөх чансааны 8000 оноо, 1500 швейцар франк, харин мөнгөн медаль хүртсэн тамирчин чансааны 6400 оноо, 750 швейцар франктай болов.

Сэтгэгдэл:
Таны IP: (18.224.63.123)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Түүх соёл, тусгаар тогтнолоо эрхэмлэн дээдэлж, түгээн дэлгэрүүлсэн иргэн байхыг Ерөнхий сайд уриаллаа

9 цаг 0 мин

Дөрвөн улирлын турш жуулчин хүлээн авах боломж бүрдүүлнэ

9 цаг 2 мин

Отроор өвөлжиж, хаваржих малчдад эрүүл мэнд, нийгмийн хамгааллын үйлчилгээг шуурхай, хүртээмжтэй хүргэхэд анхаарна

9 цаг 7 мин