Нас барсан охиноо бүртгүүлэлгүй 10 жил хүүхдийн мөнгийг нь авч байжээ
Үйл явдал
/
2023-02-14
Жиргэх
Баян-Өлгийн аймгийн Прокурорын газраас иргэн Б-г хууль бусаар нийгмийн халамж авах гэмт хэрэгт холбогдуулан яллах дүгнэлт үйлдэж хэргийг шүүхэд шилжүүлжээ.
Иргэн Б нь өвчний улмаас 2005 оны долоодугаар сарын 15-ны өдөр нас барсан охин А-г нас барсныг улсын бүртгэлд бүртгүүлэлгүй бодит байдлыг нууж, нийгмийн халамжийн сангаас сар бүр олгодог хүүхдийн мөнгийг 2012 оны аравдугаар сарын 20-ны өдрөөс 2020 оны дөрөвдүгээр сар хүртэл хугацаанд сар бүр 20.000 төгрөг, 2020 оны дөрөвдүгээр сараас 2022 оны зургаадугаар сар хүртэл хугацаанд сар бүр 100.000 төгрөг, нийт 4.400.000 төгрөгийг хууль бусаар авч, нийгмийн халамжийн санд 4.400.000 төгрөгийн хохирол учруулсан байна.

Эрүүгийн хуульд зааснаар хууль бусаар нийгмийн халамж, үйлчилгээ авсан бол гэмт хэрэгт тооцохоор тогтоосон ба Б-гийн шунахай сэдэлтээр хүүхдийн мөнгийг хууль бусаар авсан үйлдэл нь 2012 оны аравдугаар сараас 2022 оны зургаадугаар сар хүртэл хугацаанд үргэлжилсэн байх тул гэмт хэргийн хөөн хэлэлцэх хугацаа өнгөрөөгүй гэж шүүх дүгнэж, түүнийг гэм буруутайд тооцлоо.

Эрүүгийн хуулийн тусгай ангийн 18.12 дугаар зүйлийн 1 дэх хэсэгт уг гэмт хэргийг үйлдсэн этгээдийг 5.400.000-27.000.000 төгрөгөөр торгох, эсхүл 140-480 цаг хүртэл хугацаагаар нийтэд тустай ажил хийлгэх, эсхүл 1-5 жил хүртэл хугацаагаар зорчих эрхийг хязгаарлах ял, эсхүл 1-5 жил хүртэл хугацаагаар хорих ял шийтгэхээр заасан байдаг.

 

Шүүх Б-ийн үйлдсэн гэмт хэрэг үйлдсэн нөхцөл байдал, учирсан хохирол, хувийн байдал, хохирлоо төлөхөө илэрхийлж байгаа байдал зэргийг харгалзан түүнд 1 жил 6 сарын хугацаагаар зорчих эрхийг хязгаарлах ял шийтгэж, нийгмийн халамжийн санд учруулсан 4.400.000 төгрөгийг түүнээс гаргуулан хохирогч байгууллагад олгохоор шийдвэрлэв.

Сэтгэгдэл:
Таны IP: (3.142.255.23)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Түүх соёл, тусгаар тогтнолоо эрхэмлэн дээдэлж, түгээн дэлгэрүүлсэн иргэн байхыг Ерөнхий сайд уриаллаа

4 цаг 57 мин

Дөрвөн улирлын турш жуулчин хүлээн авах боломж бүрдүүлнэ

4 цаг 59 мин

Отроор өвөлжиж, хаваржих малчдад эрүүл мэнд, нийгмийн хамгааллын үйлчилгээг шуурхай, хүртээмжтэй хүргэхэд анхаарна

5 цаг 4 мин