Оюутан-Залуусын эрүүл мэндийг дэмжиж, эрүүл мэндийн хамрагдалтыг нэмэгдүүлэх зорилгоор “Эерэг хандлага – Эрүүл оюутан” аяныг улс орон даяар өрнүүлж байна. Энэхүү аяны хүрээнд ЭМДЕГ-аас нийслэл хотод байрлах томоохон их, дээд сургууль болон МСҮТ-ийн оюутан сурагчдад ЭМД-ын ач холбогдлыг сурталчилан таниулах, мэдээлэл зөвлөгөө өгөх сургалт зохион байгуулан ажиллаж байна.
Энэ хүрээнд “Мандах” их сургууль болон “Барилгын политехник коллеж”-ийн оюутан сурагчдын шимтгэл төлөлтийг газар дээр нь шалгаж, хамгийн хурднаар буюу гар утасны ибаримт аппликэйшнээр хэрхэн төлөх талаар зөвлөгөө өгч, ЭМД-аараа “Урьдчилан сэргийлэх, илрүүлэг үзлэг”-т хэрхэн хамрагдах, ЭМД-аа хэрхэн ашиглаж, өөрийн болон хайртай дотны хүмүүсийнхээ амьдарлын чанарыг дээшлүүлэх боломжтой талаар дэлгэрэнгүй мэдээлэл өгч, сонирхсон асуултад хариуллаа.
ЭМД-ын тухай хуульд зааснаар Монгол Улсын иргэн бүр 19 нас хүрсэн өдрөөсөө эхлэн эрүүл мэндийн даатгалаа өөрөө хариуцан төлөхөөр зохицуулсан. 2023 онд ЭМД-ын шимтгэлээ өөрөө хариуцан төлөх 65 мянга гаруй оюутан байгаагаас өнгөрсөн 9 сарын байдлаар 14888 оюутан ЭМД-д хамрагдаад байна.
Сэтгэгдэл:
Таны IP: (18.118.227.199)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
-
2024-11-20
-
2024-11-20
