ОБЕГ-ын Санхүү, ар талын газрын Эрүүл мэндийн тасгийн дарга, дэд хурандаа Д.Хонгор клиникийн профессор цол хүртлээ.

Тэрбээр 2006 оноос хойш өнөөг хүртэл 17 дахь жилдээ Онцгой байдлын байгууллагад үүрэг гүйцэтгэж байна.

Анх ОБЕГ-ын харьяа Шуурхай бүлэг 105-д дуудлагын эмчээр ажлын гараагаа эхлүүлж, ОБЕГ-ын Гамшгаас хамгаалах газарт мэргэжилтэн, ОБЕГ-ын харьяа Давтан сургалт, сэргээн заслын төв-113 дугаар ангийн ерөнхий эмч, албаны дарга, эмчилгээ эрхэлсэн орлогч дарга, 2019 оноос ОБЕГ-ын Гамшгийн шуурхай удирдлагын газар, Санхүү, ар талын газарт Эрүүл мэндийн тасгийн даргаар ажиллаж байна.

Тэрбээр анагаах ухааны магистр, ахлах зэрэгтэй эмч юм гэж Онцгой байдлын ерөнхий газраас мэдээллээ.