Батлан хамгаалахын Ерөнхий хянан шалгагчийн Ажлын албанаас Батлан хамгаалах, Зэвсэгт хүчний хяналт шалгалтын нэгжүүдийн нэгдсэн тайланг дүгнэн 2023 оны төлөвлөгөөг танилцуулах хурлыг зохион байгууллаа.

Өнгөрсөн онд тус нэгжүүд нь нэгдсэн байдлаар 4 зорилтын хүрээнд нийт 28 ажил төлөвлөсөн бөгөөд эдгээр ажлууд бүрэн биелжээ. Тухайлбал, Зэвсэгт хүчний нэгтгэл, ангиудын хээрийн гаралтын бэлтгэл сургуулилтын үеэр холбогдох үүрэг чиглэлийг өгч салбарын хэмжээнд цахим хяналт, шалгалтын нэгдсэн мэдээллийн сангийн программтай болсон төдийгүй цахим нөлөөллийн аян, сэтгэл зүй, ёс суртахуун харилцаа хандлага, төлөвшил, хувь хүний хөгжил манлайллын талаарх сургалтыг тус тус зохион байгуулсан байна.

Харин ирэх онд Батлан хамгаалах, Зэвсэгт хүчний хяналт шалгалтын нэгжүүд нь улсын дайчилгаа, цэргийн дайчилгааны орон нутгийн хамгаалалтын төлөвлөлтийн баримт бичигт үнэлэлт дүгнэлт хийх, дотоод хяналт шалгалтыг улам сайжруулж эрсдэлээс урьдчилан сэргийлэх чиглэлээр танхимын сургалт зохион байгуулах төдийгүй цахим нөлөөллийн аянд БХЯ-ны харьяа байгууллагууд, Зэвсэгт хүчний төрлийн цэргийн командлалуудыг татан оролцуулахаар төлөвлөөд байгаа аж.