Малчдын зөвлөгөөнд аймгийн ИТХ-ын дарга Г.Пүрэвганди оролцож, аймаг орон нутгаас хэрэгжүүлж байгаа хөтөлбөр арга хэмжээ, бодлого шийдвэрийг танилцуулж, мэдээлэл хийлээ.

Цаашид малчид:

Мал аж ахуйн үйлдвэрлэлд анхаарах,

Байгаль, цаг агаарын өөрчлөлтөд хэрхэн дасан зохицох

Малын тоо толгойг тодорхой түвшинд барих

Малын үүлдэр, таваарлаг шинж чанарыг хэрхэн нэмэгдүүлэх

Бэлчээрийн даац хэтрэлтийг бууруулж, тооноос илүү чанарт анхаарах цаг болсон зэрэг тодорхой асуудлуудаар шийдэл, гарцыг хэлэлцэж байна.

Малчдад төр засгийн мэдээллийг хүргэх, мал аж ахуйн бодлогыг сум орон нутагтаа хэрхэн зохион байгуулах талаар малчид, хөдөө аж ахуйн мэргэжилтнүүдийн санал бодлыг сонсох, үүн дээрээ тулгуурлан Манхан сумынхаа цаашдын бодлогод тусгах зорилготой энэ удаагийн “Малчдын зөвлөгөөн”-д 350 гаруй малчин оролцож байна.

Зөвлөгөөний үеэр:

Малын тоо толгойн албан татварыг бүрдүүлэх

Эрт илрүүлгийн хамрагдалтыг сайжруулах

Газар хүссэн өргөдөл шийдвэрлэх

Тоон гарын үсэг олгох зэрэг төрийн үйлчилгээг иргэдэд хүргэж байна