Өнгөрөгч Баасан гаригт Ерөнхий захирал Х.Бадамсүрэн, Санхүү, эдийн засаг хариуцсан орлогч Д.Үүрийнтуяа, Хамтын ажиллагаа, нийгмийн асуудал хариуцсан орлогч Ц.Бат-Энх, ЗХНБГ-ын дарга О.Отгонбаяр нар эмнэлгийн ажилтан, ажилчидтай уулзалт хийн, Засгийн газрын тогтоолын төслийг танилцуулсан

Ингэснээр Эрдэнэт үйлдвэр 160 гаруй эмч, эмнэлгийн мэргэжлийн ажилчдаар бүл нэмлээ

Эрдэнэт медикал эмнэлгийнхэн үйлдвэрийн 7000 ажилтан, ахмадууд, МШӨ-ний улмаас групп тогтоолгосон 10 мянган ажилтан, тэдгээрийн гэр бүл нийт 20 мянган иргэн, мөн бүс нутгийн иргэдэд эрүүл мэндийн чанартай тусламж үйлчилгээ үзүүлэх юм

Монгол улсдаа тусламж үйлчилгээ, үйлчилгээний соёлоор жишиг загвар болохуйц эмнэлэг байх ёстойг Ерөнхий захирал Х.Бадамсүрэн анхааруулаа

Тус  эмнэлэг нь 8 тасаг, 1 төв, 7 алба, нийт 16 нэгж, 19 лабораторитой. Мөн бүрэн автомат үйл ажиллагаа бүхий ариутгалын тасаг, эмнэлгийн нэгдсэн IT систем, улсдаа ганц ЭХО оношилгооны аппарат бүхий Япон улсын сүүлийн үеийн тоног төхөөрөмжөөр үйлчилгээ үзүүлдэг юм.