Арга хэмжээнд НДХ, ХХҮГ, Мал эмнэлгийн газар, Татварын хэлтэс, ГХБХБГ, ХХААГ, аймгийн ЗДТГ-ын хэлтэс, агентлагуудын мэргэжилтнүүд мөн БОЭТ-ийн эмч нар, эмийн сан, үсчин, гуталчин гэх мэт хэрэгцээ шаардлагатай байгаа үйлчилгээг нэг дор үзүүлж байна. БОЭТ-ийн нарийн мэргэжлийн эмч нар чих хамар хоолой, дотор, дүрс оношилгоо, эмэгтэйчүүдийн үзлэг оношилгоог газар дээр нь хийж эмийн эмчилгээ шаардлагатай иргэд эмийн сангийн үйлчилгээг авч байна. Мөн нийтийн үйлчилгээний үсчин, гуталчин зэрэг үйлчилгээ үзүүлж байгаа нь хаврын ид ажлын үед малчид иргэдийн цаг завыг хэмнэсэн үйл ажиллагаа болж байгааг иргэд хэлж байна. Мөн аймгийн хэмжээнд зарлагдаж байгаа төсөл хөтөлбөрүүдийг танилцуулж, төрийн байгууллагуудын үйлчилгээг газар дээр нь өгч ажиллаж байна. Уулзалт арга хэмжээний үеэр аймгийн ХЖТ-ын уран бүтээлчид урлаг соёлын арга хэмжээгээр иргэдэд үйлчилж байна.