Тус арга хэмжээний үеэр Өмнөговь аймгийн “Олъёо” клубын сурагчид “Хилчдэдээ илгээх номын бэлэг” хандивын аян өрнүүлж, 300 гаруй ном, хандивлагч хүүхдийн чин сэтгэлийн үгтэй захидалын хамт хилийн салбаруудад илгээсэн байна. Хилчин уншсан номын тэмдэглэлээ зааврын дагуу хөтөлж, номын клубтэй байнгын эргэх холбоотой хамтран ажиллахаар болсон юм.

“Номын утга нь тэнгэр мэт агуу, дэлхий мэт өргөн, далай мэт гүн. Номыг унших нь тэнгэрт нисэж, дэлхий тойрч, далайд хөвөх мэт...” хэмээн Ц.Дамдинсүрэн гуай хэлсэн байдаг. Дэлхийтэй танилцах боломжийг алба хаагчид болон тэдний үр хүүхэд, хугацаат цэргийн алба хаагчдад олгож, оюуны хөрөнгө оруулалт хийж, хамтран ажилласан “Өмнөговь номын клуб”-т талархал илэрхийлье.