Улаанбаатар төмөр зам хувь нийлүүлсэн нийгэмлэг нь Хил хамгаалах байгууллага, Хилийн цэргийн 0108 дугаар ангид “Ачааны галт тэргэнд үзлэг хийх цамхаг”-ийг хүлээлгэн өглөө
Үйл явдал
/
2022-05-14
Жиргэх
Тэртээх 1956 онд Монгол Улс, Бүгд Найрамдах Хятад Ард Улсын төмөр зам ашиглалтад ороход Хилийн хаалга, гүүрэн цамхаг баригдсан түүхтэй. Улмаар 2005 онд нарийн царигаар нэвтрэх галт тэрэгний үзлэг шалгалтыг сайжруулах зорилгоор тус гүүрэн цамхагт өргөтгөл хийсэн. Монгол Улсын Хилээр нэвтрэх транзит болон экспорт, импортын тээврийн хэмжээ өсөн нэмэгдсэнтэй холбогдуулан зам засварын ажил эрчимтэй явагдаж, ачааны галт тэргэнд Хилийн хяналтыг зохион байгуулах, сайжруулах зорилгоор Хилийн инженжерийн байгууламж шаардлагатай болсон тул 2 талын байгууллагын хамтын ажиллагааны хүрээнд 4 зам дамнасан ачааны галт тэргэнд үзлэг хийх цамхаг баригдсан. “Ачааны галт тэргэнд үзлэг хийх цамхаг”-ийг УБТЗ-ын Амгалан төв засварын үйлдвэр, Барилга ашиглалт үйлчилгээний 3 дугаар анги 2022 оны 01 сарын 06-ны өдрөөс 2022 оны 01 сарын 21-ний өдрийн хооронд 15 хоногийн хугацаанд хийж гүйцэтгэсэн. Тус цамхаг нь 32.8 метрийн урттай, 7.6 метрийн өндөртэй, 1.6 метрийн өргөнтэй, 4 замыг дамнан баригдсан 12 тонн даацтай байгууламжийг 273.000.000 /хоёр зуун далан гурван сая/ төгрөгний өртөгтэй бүтээсэн юм.

Улаанбаатар төмөр зам хувь нийлүүлсэн нийгэмлэг болон Хил хамгаалах байгууллагыг төлөөлж УБТЗХНН-ын дарга Х.Хэрлэн, Хил хамгаалах ерөнхий газрын Хилийн боомтын аюулгүй байдал, Шалган нэвтрүүлэх газрын дарга, хурандаа Ц.Мягмардорж, Дорноговь аймгийн Замын-Үүд сумын засаг дарга Б.Анхбаяр, Цэргийн гавъяаны одонт, Хилийн цэргийн 0108 дугаар ангийн захирагч, хурандаа В.Намхайнямбуу, Замын-Үүд өртөөний дарга Ч.Сугирбаатар нар болон холбогдох албаны хүмүүс оролцлоо. “Ачааны галт тэргэнд үзлэг хийх цамхаг” ашиглалтад орсноор Монгол Улсын Хилийн тухай хуулийн 3.1.2, 3.1.9 дэх заалтуудыг хангаж, хилийн хэсэг болон төмөр замын хяналт шалгалтыг өргөн хүрээнд цэргийн хяналтыг зохион байгуулах нөхцөл бололцоог хангасан бөгөөд төрөл бүрийн дохиолол хяналтын техник хэрэгслээр төхөөрөмжлөн ашиглах боломж бүрдсэн. Тус цамхаг нь аюулгүй ажиллагааны шаардлага хангасан, осол зөрчлөөс урьдчилан сэргийлэх, шалгалтын хугацаа багасах, ачааны галт тэрэгний дээрээс хяналт шалгалтыг зохион байгуулахад хялбар болох зэрэг олон талын ач холбогдолтой юм.

3 хүн, зогсож буй хүмүүс ба цэргийн дүрэмт хувцас нарын зураг байж магад

2 хүн, зогсож буй хүмүүс, цэргийн дүрэмт хувцас ба гадаа нарын зураг байж магад

 

 

Сэтгэгдэл:
Таны IP: (3.17.165.235)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

"Засгийн газар огцор" уриатай жагсаал үргэлжилж байна

17 цаг 12 мин

"Орано Майнинг" компанитай хийх хөрөнгө оруулалтын гэрээний төслийг зөвшилцөх тухай УИХ-ын тогтоол батлагдлаа.

Уржигдар 21 цаг 15 мин

ТБХ:Хөрөнгө оруулалтын гэрээний төслийг зөвшилцөхийг дэмжлээ

Уржигдар 18 цаг 59 мин