Хугацаат цэргийн алба хаагчдыг эргэх ажилд дүүргийн Засаг дарга бөгөөд Батлан хамгаалах товчооны дарга С.Даваасүрэн болон дайчилгаа удирдах бүлгийн гишүүд, хорооны Засаг дарга нар, ЗДТГ-ын Цэргийн штабын офицер, ахлагч, ар гэрийн төлөөлөл бүхий 17 хүний бүрэлдэхүүн оролцлоо.

Хугацаат цэргийн алба хаагчдад ЗДТГ-аас гарын бэлэг, ар гэрийн захиа, илгээмжийг хүлээлгэн өгч, алба хааж байгаа орчин нөхцөлтэй танилцаж, цаашид цэргийн албаа нэр төртэй хаах талаар ЗДТГ-ын Цэргийн штабын дарга хурандаа З.Майдар үүрэг чиглэл өгч, албанд нь амжилт хүссэн юм.

Мөн дүүргийн ЗДТГ-т 7 хоногийн номын аян өрнүүлж, Зэвсэгт хүчний 336 дугаар ангийн номын санд 1 сая төгрөгийн үнэ бүхий уран зохиол, танин мэдэхүйн ном, сэтгүүл хандивлалаа.

Дүүргийн Засаг дарга С.Даваасүрэн, ЗДТГ-ын Цэргийн штабын дарга хурандаа З.Майдар болон дайчилгаа удирдах бүлгийн гишүүдийг Зэвсэгт хүчний 336 дугаар ангийн захирагч хурандаа А.Болдбаатар, захирагчийн нэгдүгээр орлогч, штабын дарга дэд хурандаа Гантөр нар хүлээн авч, ангийн үйл ажиллагаа болон Дорноговь аймгийн Зүүнбаян суманд хэрэгжүүлж байгаа “Эко хотхон” төслийн талаар танилцуулсан юм.