Ө.Хашхүү нь Монгол Улсын эрүүл мэндийн салбарын гэмтэл согог судлалын тархи нуруу нугасны мэс заслын мэргэжлээр 53 жил тасралтгүй ажилласан ахмад эмч юм. Тэрээр тархи нуруу нугасны гэмтэлтэй олон хүнд гэмтэл согогийн тусламж үйлчилгээг цаг алдалгүй мэргэжлийн өндөр төвшинд үзүүлж, олон улсад хүлээн зөвшөөрөгдсөн мэс заслын практик аргыг өөрийн оронд нэвтрүүлэн нутагшуулж, шинэ залуу боловсон хүчнийг сурган дадлагажуулж, гэмтэл согогийн салбарт үнэтэй хувь нэмэр оруулсан юм.
                           
Монгол Улсын Хүний Гавьяат эмч, зөвлөх зэргийн мэс засалч, профессор Ө.Хашхүүг Эрүүл мэндийн салбарын түүхэнд тэмдэглэн, Яамны хүндэт дэвтэрт нэрийг нь бичиж, гэрчилгээг гардуулан өглөө.