“Монгол Улсад парламентын ардчиллыг бэхжүүлэх” төслийн   баг болон аймгийн Иргэдийн төлөөлөгчдийн хурал хамтран  “Парламентын боловсрол” хөтөлбөрийг танилцуулах,  зөвлөлдөх уулзалтыг аймгийн М.Хурманханы нэрэмжит хөгжимт драмын театр зохион байгууллаа.

   Уулзалтад аймгийн ИТХ-ын дарга Н.Бейбитхан, Аймгийн Засаг дарга Д.Бауыржан,  ИТХ-ын ажлын алба болон Засаг даргын Тамгын газрын ажилтнууд, Ерөнхий боловсролын сургуулийн сурагчид болон ЕБС-ийн сургуулийн нийгмийн ажилтан, түүх, нийгмийн ухааны багш  нар  оролцов.

    Зөвлөлдөх уулзалтыг нээж аймгийн Засаг дарга Д.Бауыржан,  аймгийн ИТХ-ын дарга Н.Бейбитхан нар үг хэлж,  УИХ-ын Тамгын газрын Захиргаа, хүний нөөцийн хэлтсийн дарга С.Алтанхуяг Монгол Улсын Их Хурлын 2019-2024 оны стратеги төлөвлөгөө, УИХ-ын Тамгын газрын 2020-2024 оны стратеги төлөвлөгөө болон  аймгийн Иргэдийн Төлөөлөгчдийн хурлын дэргэд “Хууль тогтоомжийг сурталчлах туршилтын төв”-ийг байгуулах талаар мэдээлэл өглөө.

     Түүнчлэн  “Монгол Улсад парламентын ардчиллыг бэхжүүлэх нь” төслийн зохицуулагч Д.Уянга Парламентын боловсрол хөтөлбөр, төслийн хүрээнд цаашид хийх ажлын талаарх мэдээллийг өгөхөөс гадна оролцогчидтой санал солилцлоо.