Өнөөдөр Баянгол дүүргийн Засаг дарга Ө.Сумъяабаатар дүүргийн Насан Туршийн Боловсролын төвд ажиллаж, иргэдийн суралцаж буй нөхцөл байдалтай танилцаж, цаашид хэрэгжүүлэх төсөл хөтөлбөр, дүүргээс хэрэгжүүлж байгаа арга хэмжээний талаар мэдээлэл өгөв. Энэ үеэр тус төвийн дарга Б.Гэрэлгуа зарим мэдээллийг өгсөн. Тодруулбал, 2022 онд тус төв нийт 1351 удаа сургалтыг зохион байгуулж, 22,211 иргэнийг сургалтад хамруулсан бол энэ оны нэгдүгээр улиралд 5 чиглэлээр 393 удаагийн сургалтыг зохион байгуулж, 3919 иргэнийг хамруулсан байна. Зөвхөн энэ оны нэгдүгээр улиралд гэхэд Оёдол эсгүүрийн цахим сургалтад 135 иргэн, танхимийн 137 сургалтад 859 иргэнийг хамруулжээ. Түүнчлэн Иргэдийн амжиргааг дэмжих ур чадвар эзэмшүүлэх чадамжийн гэрчилгээ олгох сургалтад долоон иргэн хамрагдсан гэсэн мэдээллийг өглөө.