“Алтай дамнасан тогтвортой байдлын яриа хэлэлцээ-Жендэрийн эрх тэгш байдал ба тогтвортой хөгжил” чуулга уулзалтын үеэр, Боловсролын салбар дахь жендерийн эрх тэгш байдал сэдвээр салбар хуралдаан боллоо

УИХ-ын Боловсрол, соёл, шинжлэх ухаан, спортын байнгын хорооны дарга Г.Мөнхцэцэг, Боловсролын салбар хуралдааны панелистаар оролцсон Бүгд найрамдах Киргиз Улсын Боловсрол, Шинжлэх ухааны сайд асан, сайдын зөвлөх хатагтай Гульмира Кудайбердиеваг хүлээн авч уулзлаа. Киргиз улс нь Боловсролын хуульдаа өөрчлөлт оруулахаар хэлэлцэж байгаа бөгөөд хатагтай Гульмира Кудайбердиевагийн хувьд Боловсролын сайдаар гурван жил ажиллаж, одоо сайдын зөвлөхөөр ажиллаж байгаа юм

Уулзалтын үеэр, хатагтай Гульмира Кудайбердиева, -“ Монгол Улсын боловсролын салбарын шинэчлэл, сургуулийн өмнөх боловсролыг хэрхэн хүртээмжтэй болгосон туршлагыг сонирхлоо. БНКУ-ын хувьд СӨБ-ын хамрагдалт 26 хувьтай байгаа юм байна. Цаашид Монгол Улсын сургуулийн өмнөх боловсролыг тэгш хүртээмжтэй болгож буй туршлагыг хуваалцах, 12 жилийн тогтолцоотой Ерөнхий боловсролын сургалтын онцлог, эх хэлээ судлан авч үлдэх, гадаад хэлийг сонгон суралцахын давуу тал гээд боловсролын шинэтгэлийн асуудлыг судлах хүсэлтэй байгаагаа илэрхийллээ.

УИХ-ын Боловсрол, соёл, шинжлэх ухаан, спортын байнгын хорооны дарга Г.Мөнхцэцэг, УИХ-аар хэлэлцэж эхэлсэн Боловсролын Ерөнхий хууль болон, багц хуулийн шинэтгэлийн асуудлаар товч мэдээлэл өгч, цаашид хоёр орны боловсролын салбарт хамтран ажиллах өргөн боломж байгааг илэрхийлэв