Үндэсний үйлдвэрлэгч “Бэст буйдан” ХХК-ийн 20 жилийн ой энэ жил тохиож буй билээ. Компанийн удирдлага хамт олон 20 жилийн ойн баяраа угтан нийгмийн хариуцлагын хүрээнд малчдад туслах сайн үйлсийн “ДУЛААН НЭМНЭЭ” аяныг өрнүүлж, хаврын мал төллөх цаг үеэр ашиглах төлийн нэмнээг тараасан байна. Дараагийн нэг томоохон нөлөөллийн аян нь өнөө цаг үеийн чансаа өндөр 64 бөхийн дунд интертаймент барилдаан. Шинэлэг хэлбэрээр зохион байгуулагдах уг барилдаанд улсын Даян аварга Н.Батсуурь, улсын аварга О.Хангай тэргүүтэй улсын цолтой 40, аймаг цэргийн чансаа өндөр 20, сумын цолтой 4 бөх барилдах урилга авсан байна.  Барилдааны түрүү бөх 10 сая, үзүүр бөх 5 саяын бай шагнал гардах бол барилдсан бөхчүүд давааны мөнгө олгох бөгөөд үзэгчдийн дунд супер азтан нэг сая төгрөг, арьсан буйдангийн эзэн болох юм.